ДИГИТАЛЕН РЕЧНИК НА МАКЕДОНСКИОТ ЈАЗИК

Макар што Татко во тие времиња започнаа нови маки да го мачат, кога се всади сталинизмот во неговата родна земја, а и во земјата на егзилот кои ги делеше навидум отворената и братска граница, не попадна во стапицата на брзото враќање, неговиот егзил имаше длабоки корени.

И така, Татко остана долго време приклештен помеѓу потрагата на патот на јагулите, таа среќна и симфонична планетарна фуга на вечното и среќно поврзување на Балканот со светот и потрагата по старите отомански кадиски записи, познати како сиџили, документи на Балканот кои ја криеја загатката на идентитетот на семејството, смислата на останувањето со надежта за брзото враќање во родната земја, крај Езерото.