под (предл.) - стапало (имн.)

Тој ја осети навалицата на земјата - сѐ до под стапалата, и надоаѓањето на елементите - не веќе преку неговата крв.
„МАРГИНА бр. 36“ (1997)
Оттука кај што стоиме, од под стопала, под земји ако тргнеш, од другата страна под табани ним ќе им испаднеш.
„Захариј и други раскази“ од Михаил Ренџов (2004)
Иако монтирани, рампите сѐ уште не беа подмачкани со масло и покривката од ситно дробен камен му крцкаше под стапалата.
„Невестата на доселеникот“ од Стојан Христов (2010)
Сети се како сѐ беше чисто душата твоја недопрена цела, само лисје под стапалата боси...
„Читај ми ги мислите“ од Ивана Иванова Канго (2012)
Небаре оревче ми крцна под стапалото.
„Небеска Тимјановна“ од Петре М. Андреевски (1988)
Ти ќе офкаш, а тој ќе врти со чизмата и ќе ти ги меле прстите под стапалото.
„Небеска Тимјановна“ од Петре М. Андреевски (1988)
Сѐ е поцрнето, ти крцкаат под стапалата.
„Небеска Тимјановна“ од Петре М. Андреевски (1988)
Мислам дека и над главата ме боли, и под стапалата ме боли.
„Небеска Тимјановна“ од Петре М. Андреевски (1988)
Рика, гргори водата а ми ја подзема земјата под стопалата, ме поткопува.
„Пиреј“ од Петре М. Андреевски (1983)
И чекаш нешто да ѝ никне под стапалата, под петиците. Да развие пупка.
„Пиреј“ од Петре М. Андреевски (1983)