од (предл.) - слива (имн.)

Штом ќе се разгласеше дека војната завршила, луѓето сета комина што ја имаа (од сливи, од дренки, од муренки, од грозје, од кајкушки и оскоруши) ја вадеа од бурињата и ја носеа на казаните крај езерото да ја печат; се носеше и комината од црковните сливи и лозја и деноноќно се печеше ракија, и деноноќно се пиеше; пиеше старо, младо, машко, женско; како што капеа казаните - така луѓето со чашки, со филџани, со канчиња, со матарки, црпеа од ракијата, пиеја, наздравуваа еден на друг, ѝ наздравуваа на слободата, се бацуваа, пиеја колку што душата им сакаше и не им сакаше, кој како ќе се испијанеше скокаше сосе алишта во езерото или пак луѓето го пикаа да го оладат и отрезнат; но по секое отрезнување - започнуваше ново пиење.
„Свето проклето“ од Јован Стрезовски (1978)
Алајко и Мире седнаа под една узреана слива во дебела сенка и ги чекаа селаните. Јадеа од сливите, ги киселеа лицата.
„Захариј и други раскази“ од Михаил Ренџов (2004)
Дури и очите им се опулени како плодовите од сливата.
„Небеска Тимјановна“ од Петре М. Андреевски (1988)
Ако, си мислам, нека се најдат. Од сливите, сум слушал, многу ракија излегува.
„Пиреј“ од Петре М. Андреевски (1983)
Ги одврзуваат од сливите Ѓенески и ги водат така, избрндавени, извалкани.
„Пиреј“ од Петре М. Андреевски (1983)