од (предл.) - блуза (имн.)

— Слика од детето, вели, од Ивана твој, вели и го отпетлува џебот од блузата, ја вади фотографијата.
„Небеска Тимјановна“ од Петре М. Андреевски (1988)
„Не знам“, рече таа тргнувајќи го погледот од него и фаќајќи се за копче од блузата да ја призакопчи.
„Продавница за љубопитните“ од Мето Јовановски (2003)
Неговиот другар со кого во болницата лежеа во ист кревет, со забите го кине копчето на џепчето од блузата, зашто двете раце и градниот кош му се изврзани со завои, ја вади со заби сликата на која му се жена му и син му и ја моли сестрата да му ја запне на штиците од вагонот; погледнува во сликата и испушта душа.
„Свето проклето“ од Јован Стрезовски (1978)
Ги тргам рацете и се потфаќам за некои крајчиња од блузата, од ременот, од рамената.
„Небеска Тимјановна“ од Петре М. Андреевски (1988)
Му ја гледаше само левата страна од лицето, побелениот мустаќ млитаво виснат, металното копче од блузата жолто блеснато како око на мачка.
„Пустина“ од Ѓорѓи Абаџиев (1961)
Прстите од едната рака ги пушти да ја допираат по наборите од блузата, а другата ја стави на нејзиниот грб шетајќи од горе до долу, неколкупати, чувствувајќи ги кревките чаталчиња на нејзините ’рбетни пршлени.
„Вежби за Ибн Пајко“ од Оливера Николова (2007)