во (предл.) - ракав (имн.)

На кинисување Нешка се засрами да си ја земе китката, ама Тода, како мајстор од занаетот, ѝ намигна со око и ѝ ја покажа, а таа тоа чекаше, ја грабна и ја завитка во ракавот, велејќи и фалејќи ѝ се на Тода со главата.
„Крпен живот“ од Стале Попов (1953)
Ја погали, со треперлива рака, Руса по лицето и дури откако ја прекрсти со врвот од ножот што го сокриваше во ракавот на левата, од долниот раб на нејзиното лево око преку усните, меки и набабрени, до коренот на брадата направи секотина; веднаш потоа направи уште една таква на другиот образ и на истото место.
„Потковица на смртта и надежта“ од Миле Неделкоски (1986)
Немаше ништо скриено во ракавот, но како добар коцкар, сакаше да блефира.
„Последната алка“ од Стојан Арсиќ (2013)
Земам, се запрегнувам во ракавите, спремам најубаво што сум можела, ја дотерувам масата за ручек, го пеглам и го штиркам секое крпче, секое везено и секое плетено, и чекам да дојде тој.
„Братот“ од Димитар Башевски (2007)
Плеткаат така подмакани до лакти во ракавите.
„Небеска Тимјановна“ од Петре М. Андреевски (1988)
Го гледам и си ги потпикнувам рацете во ракавите.
„Небеска Тимјановна“ од Петре М. Андреевски (1988)
Минатиот пат ништо не знаеше за Димостена, ама сега може и да крие нешто во ракавот?
„Црна билка“ од Ташко Георгиевски (2006)
- Што ти е тоа во ракавот? - му забележуваш во шинелската манжетна: тоа е уште на линијата од твојата размисла, зашто се работи за книга, а од друга страна го прекинува неговиот монолог за мезето.
„Синовски татковци“ од Димитар Солев (2006)
Сака моќно, јако. Тоа не знае секој. Така да носи, љубов во ракав.
„Портокалова“ од Оливера Доцевска (2013)
- Може да ти е пришиена во ракавите, во предниците, вели Маса Ќулумоска, или да ти е притаена под шамијата, во косата и ти се пресмева.
„Пиреј“ од Петре М. Андреевски (1983)