плеќи (имн.) - свој (прид.)

Пајакот на грбот свој го носеше Словото, мудрост најпресветла, највозвишена, целиот свет на плеќите свои го носеше, оти крст имаше, како и мојот!
„Папокот на светот“ од Венко Андоновски (2000)
Па ги покоси плеќите свои!
„Ветришта“ од Радојка Трајанова (2008)
И сфатив дека ова е провидение, дека пајакот мене ми е подобен, или јас нему, дека попусто самиот сум се унижувал пред Лествичникот и другите бедни; дека сум го лутел Бога оти знак ми дал да го носам светот на плеќите свои, а јас не сум разбрал, не сум го познал знакот и сум дал предимство на друг, оној што е под управата на гревот, оти никогаш не сум се борел, не сум се спротивставил, послушен секогаш сум бил; а оној што послушен е секогаш, тој послушен и кон ѓаволот, а не само кон Бога ќе биде, кога ѓаволот ќе му се претстави под лика лажна, под образ притворен!
„Папокот на светот“ од Венко Андоновски (2000)