Колокации | Дигитален речник на македонскиот јазик

Се набавуваше, по тајни канали, странска литература, се консултираа библиотеки, се пластеа познатите примери за опасностите од козите, но намерно се забораваа книгите за позитивните својства на козите.

„Времето на козите“ од Луан Старова (1993)

Морисеј беше тој што ја наследи Ворхоловата бизарна тематика и работа.

„МАРГИНА бр. 15-16“ (1995)

Но, Ворхол им припаѓа на оние изразити експоненти на авторство чии следбеници секогаш ги демне опасноста од плагијат.

„МАРГИНА бр. 15-16“ (1995)

Всушност тоа го одредува основното двоумење: сопственото јас тежнее да се вкорени и отелотвори, па сепак тоа постојано се плаши да пушти корени во телото, бидејќи на тој начин би било изложено на напади и опасности од коишто не би можело да избега.

„МАРГИНА бр. 22“ (1995)

Безбедно од продирање на забелешки; безбедно пред опасноста од преплавување со љубов, како и од уништување со омраза.

„МАРГИНА бр. 22“ (1995)

Аскерот се стаписа надолу и сега немаше опасност од врзувањето на обрачот.

„Толе Паша“ од Стале Попов (1976)

— Кој ќе бидат оние браќа што маваат од чукана? — се запрашаа војводите.

„Толе Паша“ од Стале Попов (1976)

Обичај беше да го затвораат добитокот в трло, иако опасноста од волци во летниот период, речиси, не постоеше.

„Бојан“ од Глигор Поповски (1973)

Тогаш, секако и опасноста од волците ќе помине, па Кротка ќе може да го живее својот живот според законите на нејзиниот род, според законите на природата.

„Бојан“ од Глигор Поповски (1973)

Откако размислил подлабоко, Френк сигурно ја сфатил опасноста од својата шега, можноста дека стравот може да биде многу полош отколку што тој прво си претпоставил.

„Невестата на доселеникот“ од Стојан Христов (2010)

Во консултации со работничката, а во зависност од ризикот по нејзината безбедност и здравје, работодавачот мора да воведе мерки за заштита на бремената работничка, работничката која неодамна родила или дои, за отстранување или намалување на опасноста од: (1) неповратни ефекти; (2) предизивикување рак; (3) наследни генетски оштетувања; (4) предизвикување штети на нероденото дете и (5) предизвикување штети на исхраната на детето (чл.15 од ЗИДЗРО/септ.10).

„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)

Меѓутоа, идејата прво свесно да се зголеми достапноста се на дрога на жените, и покрај високиот ризик да дојде до злоупотреба, а потоа, доколку подлегнат на искушенијата, да се апсат, претставува цинична и морално вознемирувачка политика.

„МАРГИНА бр. 6-7“ (1994)

На пример, една актн-чанта полна со синтетички хероин би можела да ги задоволи годишните потреби сите њујоршки зависници. Америка никогаш нема да биде во состојба да го запре прометот на толку мал производ меѓу купувачот и продавачот, а да остане слободно општество.

„МАРГИНА бр. 6-7“ (1994)

Дали опасноста од затворската казна би можела да ја спречи наркоманијата меѓу жените?

„МАРГИНА бр. 6-7“ (1994)

Ниту другите земји ќе се ослободат од насилство и терор сè додека кокаинот и хероинот таму се произведуваат од страна на картелот криминалци. Политиката на делумна забрана би ја задржала и од морална гледна точка сомнителна пракса на затворање луѓе кои директно не ја загрозуваат околината. Таа и понатаму би сместувала во подземје еден првенствено здравствен и општествен проблем и би жигосувала поединци кои поради тоа не би можеле да дојдат до потребната помош. Истата таа политика би ги обесхрабрувала медицинските истражувања и ширењето на информации во врска со опасностите од уживање на дрога.

„МАРГИНА бр. 6-7“ (1994)

Зошто со оргазмот, за Егото постои опасност од разградување на психичката сексуалност, која би се распрснала кога врз неа со жестина би почнало да делува недоволно прифатеното биолошко тело.

„МАРГИНА бр. 6-7“ (1994)

И еве сега ова трагање по опасните турцизми во балканските јазици, кое, секако, беше и израз на духот на времето, за кое се залагаше неговиот добродушен пријател Камил Климент Камилски, си го сметаше како егленџе за душата, сакајќи, сепак, да ја покаже низ една толку противречна синтагма опасноста од турцизмите, во обратен процес на релативизација (безопасноста на турцизмите) низ мисловното чистилиште во кое ќе ги подложат избраните опасни турцизми за да ја покаже релативноста на овој монтиран процес на чистењето на јазиците, својствен за мешањето на историјата дури и во делбата и во поставувањето граници во јазиците.

„Балканвавилонци“ од Луан Старова (2014)

Се чита опасноста од губење на локалните обележја на малите пред големите култури.

„Балканвавилонци“ од Луан Старова (2014)

Затоа и посебно внимание во дијалогот на двајцата интелектуалци му се посветува токму на Фаик Коница: ...нашиот Фаик Коница во битката на европските идеи не го претопил своето балканство во европејство, за тотално расчистување со својот автентичен идентитет (како што ќе го направат тоа многу балкански интелектуалци, како романските на пример, меѓу кои најкарактеристичен е случајот на писателот и филозофот Емил Сиоран, кој си поставил за императив или да пишува на француски како Француз или да се самоубие), туку останува доследен на своето балканство односно на албанскиот идентитет, јазик и литература, бранејќи ги со своето прво име Фаик Коница; но паралелно останува доследен и на своето европејство (што го искажува со совршеното пишување на француски јазик, на кое му се восхитувал Гијом Аполинер...

„Балканвавилонци“ од Луан Старова (2014)

На отворена трибина се зборуваше за одливот на мозоци од Државата и опасност од преовладување на просечноста.

„Ниска латентна револуција“ од Фросина Наумовска (2010)

На такво место опасноста од постоење на некој скриен микрофон е многу мала; па дури и да постои, тој ќе ги фати само звуците.

„1984“ од Џорџ Орвел (1998)

Во меѓувреме, фактот дека не постои опасност од освојување го прави можно одречувањето на стварноста, што е специјална карактеристика на Ангсоцот и на двата други система на мислење.

„1984“ од Џорџ Орвел (1998)

За тоа му требаше уште со темно да појде од Блатието, да се изложува на опасности од зулумќари и разни силници кои толку често се среќаваа по друмовите, па потоа и да чека пред градските порти додека да помине деврието.

„Вежби за Ибн Пајко“ од Оливера Николова (2007)

11. Впрочем, кај нас има и посебен Закон за волонтерството (Сл. весник на РМ – 85/07, 161/08) којшто, во пракса, не се почитува дури ни од страна на државните органи!? 18 време не подолго од три години, со тоа што содржеше и одредба која имаше намера да ја намали опасноста од злоупотреба на засновањето ваков работен однос: „Работен однос заснован на определено време станува работен однос на неопределено време ако работникот продолжи да работи, најмалку пет работни дена, и по истекот на периодот од три години“ (чл. 2 од ЗИДЗРО/03).

„Обезвреднување на трудот“ од Савески, Апасиев, Ковачевски, Василев (2010)

И тоа бргу бргу ќе стане олимписка дисциплина Сосе опасноста од разводнување заради геслото Дека било важно да се учествува кое на исток понекогаш се доживува И како изветвен еуфемизам за неуспех и предавање Тоест кршење на победничкиот дух со кој се натопени

„Сонот на коалата“ од Ристо Лазаров (2009)

Кога секна и млекото од оваа коза, Мајка повторно се соочи со опасноста од гладот кој им се закануваше на нашите животи.

„Ервехе“ од Луан Старова (2006)

- Два или три килограми повеќе неможат да нè нагрдат - уверливо тврдев.

„Летот на Загорка Пеперутката“ од Србо Ивановски (2005)

Не поради опасноста од создавање правила што ќе нѐ разделуваат во нашето однесување во исхраната туку затоа зашто нејзината загриженост ја сметав за неоправдана.

„Летот на Загорка Пеперутката“ од Србо Ивановски (2005)

Таквата промена на советската политика во однос на ЕАМ за Велика Британија претставувало усложнување на проблемот не само на сметка на британската „краткорочна политика“, што било предизвикано со отворената „руска поддршка на ЕАМ во однос на нашата политика кон Грција“, туку исто така „за сметка на долготрајната опасност од поврзување на проруските движења во Југославија, Албанија и Грција“.