Колокации | Дигитален речник на македонскиот јазик

Се подразбира дека потем ќе испратам и електронски одговор во татковината - да не би да папсам во туѓина од толку многу тајни во музиката на ѕвездите од татковината.

„Кревалка“ од Ристо Лазаров (2011)

Одговорот во тебе се крие, инспирација си ти!

„Од дното на душата“ од Александра Велинова (2012)

И тоа што е избришано најпрво било запишано во вашите сопствени пустини та одговорот во себеси побарајте си го.

„Две тишини“ од Анте Поповски (2003)

Одговори Откако засекогаш го избриша она што го запишал во песокот пред себеси го прашаа што напишал а Исус им одговорил: јас ништо ниту запишав - ниту избришав!

„Две тишини“ од Анте Поповски (2003)

Татко немаше одговор во мигот.

„Балканвавилонци“ од Луан Старова (2014)

Тоа ме потсети на едно попладне кога во “Луна”, спуштајќи го бавно филџанот со кафе на масата и гледајќи ја в очи, изустив нешто меѓу прашање и констатација („Ти, можеби, се виде со началникот пред да дојдеш овде?!”) а таа го стемни челото на кое за миг бликна пот и рече “Круме е човек за разлика од тие околу него”, најверојатно за да го одбегне одговорот во што ме увери играта на нејзините ситни прстиња на мојата подлактица легната на масата како клавијатура на која се бараа смирени тонови.

„Полицајка в кревет“ од Веле Смилевски (2012)

Се обидував да го најдам одговорот во прашањето на Ема: „Наслушни го добро тоа што го зборуваш и сè ќе ти стане јасно.

„Полицајка в кревет“ од Веле Смилевски (2012)

Ако верноста е прашање на моралот, неверноста е премолчен одговор во ехото на гласната хипокризија.

„Зборот во тесен чевел“ од Вероника Костадинова (2012)

2. Забрането веслање на суво Забрането суво во суводолица Забранет страв во пукотница Забранет пејзаж во поезија Забрането копање компири Забранет сомнеж во надежта Забранет вител во глуждот Забранет глужд во кабелот Забрането подгазување на газдарицата Забранет пикасо во кукуречани Забрането кукурикање во песочани Забранет одговор во дворот Забрането сонување на јавето Забрането јаве во несоница Забранета жед во жена Забранет страв во темница Забрането двоумење на делница Забранет црв во небесен корен Забрането гракање според “Неверморе!”

„Забранета книга“ од Веле Смилевски (2011)

Хелвиг го криеше одговорот во полусветлото на ноќната ламба.

„Омраза - длабоко“ од Драгица Најческа (1998)

- Можам ли уште да останам? - го праша Марија, со страв од негативен одговор во гласот.

„Омраза - длабоко“ од Драгица Најческа (1998)

Во тој момент му се стори дека не смее да излезе од канцеларијата на адвокатот, без да го даде одговорот во врска со синот.

„Омраза - длабоко“ од Драгица Најческа (1998)

Елен Лејбовиц, достојна на своите принципи во преписката, кои сѐ повеќе ги прифаќав како незаобиколна реалност, се префрлаше на сосем друга тема, за да го остави одговорот во некое наредно писмо.

„Потрага по Елен Лејбовиц“ од Луан Старова (2008)

Згора на тоа, Предо замислено го џвакаше секој (не само првиот) залак, испитувајќи со јазикот што каснал и барајќи одговор во погледот на Живко.

„Синовски татковци“ од Димитар Солев (2006)

Ти седнуваш на туѓа како натрапник, макар и на половина стол, зашто друго друштво освен неа немаш во бифето, но залудни се твоите очекувања да добиеш одговор во вид на намек од повик барем кога се подиспразнува нивната маса.

„Синовски татковци“ од Димитар Солев (2006)

Палестинците на чело со Јасер Арафат ќе се најдат во вистински дипломатски лавиринт, во кој политиката чекор по чекор во решавањето на судирот, кој претставува една од отворените рани на планетата Земја.

„Амбасади“ од Луан Старова (2009)

Уште оваа депеша па на Мајка ќе напишам големо писмо, најубаво писмо, писмо на животот, писмо-прошка за сите дотогаш непишани, задржани одговори во мене.

„Амбасади“ од Луан Старова (2009)

Соочен во моите дипломатски години со палестинското прашање, во еден значен период од неговото постоење, кога се одвиваа крвавите чекори на судирот, кога се најдов во Тунис, непосредно по бомбардирањето на позициите на Арафат, потпирајќи се врз инструкциите кои ги добивав од Централата во Белград, како застапник на земјата при ПЛО, подоцна и како амбасадор во државата Палестина, по прогласот на Арафат во 1988 година, напишан од Махмуд Дарвиш, размислувајќи и чувствувајќи ја драмата во Картагина, јас често барав одговори во татковата незавршена Историја на Балканот низ падовите на империите, во која имаше едно незавршено поглавје - за историјата-лавиринт...

„Амбасади“ од Луан Старова (2009)

Кога човек ќе постави такво прашање, обично очекува одговор во стилот: “Дај, не биди параноичен” и слично.

„МАРГИНА бр. 10“ (1997)

До кога де?! – нервозно допрашува постариот и го запечатува одговорот во шише.

„Ситночекорка“ од Ристо Лазаров (2012)

5. Тужбата со прилозите се доставува до тужениот на одговор во рок од осум дена од денот на приемот, доколку не е потребно да се преземат дејствија на уредување на тужбата и наплата на судската такса.