ѝ (зам.) - фали (гл.)

Едноставно, можеби и на неа нешто ѝ фали од богатиот асортиман на животни производи.
„Сонце во тегла“ од Илина Јакимовска (2009)
Ја мачеше само помислата дека пропуштила нешто во приказните за првите бакнежи, или дека, не дај боже, нешто ѝ фали, па никогаш нема да може да ужива во бакнувањето, во тоа грозно, агресивно и лигаво пикање на јазикот во нечија туѓа уста.
„На пат кон Дамаск“ од Елизабета Баковска (2006)
Таа постојано нешто му преправаше, сѐ нешто ѝ фалеше, а за сѐ беа виновни другите.
„Последната алка“ од Стојан Арсиќ (2013)
Можеби и неа ѝ фали малку...среќа?
„Сонце во тегла“ од Илина Јакимовска (2009)
- Боже, Радо! Изгледаш како принцеза, море како кралица на која ѝ фали само круна. - својот восхит Роска го кажа речиси со воздишка.
„Последната алка“ од Стојан Арсиќ (2013)