таков (зам.) - мисла (имн.)

Со такви мисли, тој ќе зачекори во Битола, во потрага по старите отомански списи кои се чини дека неколку векови се криеле токму во еден од битолските вакафи.
„Тврдина од пепел“ од Луан Старова (2002)
Татко добро знаеше дека, и да сакаше некогаш да стане партиец, не ќе можеше, свесен засекогаш дека неговото судење на другите може лесно да стане и негово судење. Со такви мисли влегуваше во Судот...
„Тврдина од пепел“ од Луан Старова (2002)
Може да се најдат и луѓе што ќе речат оти треба да се мавнат од овој свет лицата со такви мисли.
„За македонцките работи“ од Крсте Петков Мисирков (1903)
Да се спасуваат со бегање, да ја напуштат куќата пред да биде премногу доцна - таква мисла не им падна ни на ум.
„1984“ од Џорџ Орвел (1998)
Ги отстрануваше таквите мисли, но тие се враќаа во роеви.
„Последната алка“ од Стојан Арсиќ (2013)
Со такви мисли, невесел, Мече се ближеше до реката.
„Бегалци“ од Јован Бошковски (1949)
Сѐ такви мисли ме демнат, молкум за срце ме фаќаат.
„Небеска Тимјановна“ од Петре М. Андреевски (1988)
- Засрамена од таква мисла дури нејќе да погледне во снаата, да не би да ја открие. - Душа човечка - лакомштилак!
„Молика пелистерска“ од Бистрица Миркуловска (2014)
Единствено, кога ги прелетувам со очи записите ми навира дека во мене се згрутчило нешто од гнев што татко не се враќа кај мајка и Лена туку оди во бурделот ( таква мисла ми лебди) на Нанчо.
„Исчезнување“ од Ташко Георгиевски (1998)
Дење и јас не верувам. Ноќе сѐ е поинаку. Паѓа таква мисла.
„Кловнови и луѓе“ од Славко Јаневски (1956)
Каква ужасна трагедија со таква мисла да се живее.
„Портокалова“ од Оливера Доцевска (2013)
Хм, нешто нѐ штрекнува во слабина, се наежуваме и наеднаш молневито и исплашено се ослободуваме од таквите мисли.
„Дружината Братско стебло“ од Јован Стрезовски (1967)
Такви мисли го обземаа партискиот секретар.
„Времето на козите“ од Луан Старова (1993)
Размисли, размисли добро, пред да си подадеме рака. Зашто, еден ден, тајната би можела да почне да ти тежи.“
„Црни овци“ од Катица Ќулавкова (2012)
Полн со такви мисли, опремен со зелени очила, едно утро, божем случајно, наминав до куќата на министерот Д.
„Црни овци“ од Катица Ќулавкова (2012)
„Се надевам дека не станува збор за нешто нечесно“, се осмелив да речам, наведен на таква мисла поради таинствената атмосфера.
„Црни овци“ од Катица Ќулавкова (2012)