Колокации | Дигитален речник на македонскиот јазик

Затоа мораше да се ликвидира или подобро, да се фати по секоја цена.

„Времето на козите“ од Луан Старова (1993)

Кога виде дека неговите сопланинци ги тераат да слезат во градот со козите, да се фатат за тешкиот алат и да станат железна работничка класа, Чанга мислеше оти некој сака нарочно да го растури природниот поредок на земјата.

„Времето на козите“ од Луан Старова (1993)

Имаше и предлози, ако не се фати Чанга жив, да му се организира, „монтира”, судски процес, со двојник!

„Времето на козите“ од Луан Старова (1993)

Требаше многу, многу да се внимава. Големиот козар мораше да се фати жив.

„Времето на козите“ од Луан Старова (1993)

Чанга мора по секоја цена да се фати жив. Ќе му биде организирано големо судење.

„Времето на козите“ од Луан Старова (1993)

Се фатив право за кваката, влегов во претсобјето и ја слушам свеската од кујната прашува кој е.

„Балканска книга на умрените“ од Мето Јовановски (1992)

Сево ова време не можам да се ослободам од чувството дека некој ме влече за нос, дека сум се фатил како сом на јадицата на некое буниште.

„Балканска книга на умрените“ од Мето Јовановски (1992)

Тоа е толку многу видливо како жена ми гледа што се случува така што лесно би можело да дојде до скандал, сестрите да се фатат за коси, но жена ми го гледа и тоа дека сестра ѝ со завист гледа во гениталиите што нејзе ѝ биле на располагање во животот.

„Балканска книга на умрените“ од Мето Јовановски (1992)

Потоа се извртив неколкупати околу самиот себе како пес што се врти пред да реши да легне, но не легнав, туку ја зедов машината за пишување за и јас да се фатам за работа, а да бидам блиску, да го слушам удирањето на копачот.

„Бунар“ од Димитар Башевски (2001)

Стигнавме во дворот, пред куќата. Тој слезе и, нормално, не се фати веднаш за куферите.

„Бунар“ од Димитар Башевски (2001)

Ако не можеш да смислиш ништо, ако во главата немаш ни збор за повеста што сакаш да ја напишеш, тогаш кажи ја вистината - дека седиш пред белиот лист ставен во машината за пишување, со раката воврена под ременот од пантолоните, фатен за пенисот како за единственото нешто за што можеш да се фатиш.

„Бунар“ од Димитар Башевски (2001)

Ја завитка едната нога околу сајлата, со рацете цврсто се фати, и јас внимателно ја одвивав макарата надолу.

„Бунар“ од Димитар Башевски (2001)

Овој човек, вака слаб и жилав, триесет и две години стар, нехранет со силна храна, или пак слаб заради работата што ја работи, се нафаќа да се фати за гуша со оваа голема работа на копањето на бунарот, да слезе долу и да ја најде жилата на која јас веќе толку многу мислев и веќе повеќепати го доживеав моментот на појавувањето на водата, иако копањето не беше ни почнато.

„Бунар“ од Димитар Башевски (2001)

Сите кога му навалија, леле мори мајко, како којзнае колку да им згрешило во животот: корнат, тегнат, влечат, черечат на сите страни, кој за што побрзо се фати.

„Вител во Витлеем“ од Марта Маркоска (2010)

Не можам, рече, рацете ми се фатија, нозете ми се пресекоја, почна да ми зборува на дијалект.

„Ласа“ од Наташа Димитриевска Кривошеев (2011)

Низа многу квадрати и правоаголници се минува додека се фати возот за Западен Берлин.

„Патувања“ од Никола Кирков (1982)

Нешто пред договореното време, тој го виде Карер како застанува под прозорецот и во веќе видениот ритуал, го отвора тешкиот капут барајќи си го часовникот што го извади од џебот на елекот, го погледна, потем го нави, го ослушна, го врати наместо, ја намести паларијата и зачекори кон долниот влез од просториите на СС командата на островот.

„Светилка за Ханука“ од Томислав Османли (2008)

Во текот на тој раговор Лит и Беренц по извесно време се фатија како со пиетет да разговараат за хиерархот од Закинтос.

„Светилка за Ханука“ од Томислав Османли (2008)

И тие двајцата, независно еден од друг, се уверија дека од крувчето ништо нема да биде, калемот не се фатил.

„Послание“ од Блаже Конески (2008)

Рангел го подбуцна Коча: - Сакаш да ги скарам? - Немој! - Да сакам, за гуша ќе се фатат.

„Послание“ од Блаже Конески (2008)

Баш си го избрала! Подобро ќе е маѓијата да не ти се фати…

„Духот на слободата“ од Војдан Чернодрински (1909)

Многу е полесно да се фати некој друг во овој чин.

„МАРГИНА бр. 22“ (1995)

Толку тешко може некој себеси да се фати „на дело”, што ќе бев во искушение да признаам дека воопшто постојат овие, во суштина неелементи на искуството, да не бев понекогаш во ситуација случајно да ги забележам во акција кај другите, а тие да не ми ги пријавиле.

„МАРГИНА бр. 22“ (1995)

За доброто на вашето село, како и заради безбедноста на власта што ве штити, секој чесен човек е должен сѐ да стори за да се фати овој злосторник и одметник.“

„Дружината Братско стебло“ од Јован Стрезовски (1967)

Ако некој не се фати да те замени, по цел ден ќе врескаш.

„Дружината Братско стебло“ од Јован Стрезовски (1967)

Веќе се дени, а јас неброено пати од постелата до прозорецот, и одново до постелата и одново до прозорецот, сѐ дури сам себеси не се фатиш за гуша и не се обзираш што крикнуваш: твојот крик како секавица ја преполовува ноќта и ти којзнае по кој пат осознаваш дека без себеси не се може.

„Две тишини“ од Анте Поповски (2003)

Се нафаќаа машки, скоро сите што можеа да стојат на нозе, се фати и по некоја жена до роднини и блиски, а Прочка направо до Толета, без да ѝ трепне око оти ќе ѝ се насмееле.

„Толе Паша“ од Стале Попов (1976)

— Му се овргали право в очи, и како на дедот Јована преѓеска што му удри една клоца во слабината, сега и на Бојка му удри една уште посилна меѓу нозе, та, макар да беше силен, млад и јак не помалку од Брниклијата, Бојко се фати за удреното место и се свитка на тревата крај дедот Јована.

„Толе Паша“ од Стале Попов (1976)

Толе пак, да се оправда и пред Трајка, и пред власта, се фати свети Јован со убавичката му женичка Митра, која исто насила му беше дадена на Трајка од нејзините роднини, бидејќи беше останата сирачиште уште од трите години, та уште на седумнаесетте му ја дадоа на стариот ерген Брлета за пет лири пари и десет овци да му ја отворат куќичката.

„Толе Паша“ од Стале Попов (1976)

Се фатија некои и од милосниците на чаушите и сејмените, та ја донесе тој натемаго и црна Стојна Ѓупката, милосницата на Аќифа. И кај ќе се фати — до Проќа Толева.

„Толе Паша“ од Стале Попов (1976)

Аскерот се разви во стрелци, толку густо, што ако се фатеше за рамо, можеше да направи танец од оро, на чело со „танчарот" бимбашијата, а опашката би ја држал Бахтијарпаша. Со пристигањето на десниот фланг бимбашијата издаде заповед за напад.

„Толе Паша“ од Стале Попов (1976)

Бравите пред стап — ноќеска да ја прејдат Црна! — се врекна Толе со дебелиот глас и се фати за пушка.

„Толе Паша“ од Стале Попов (1976)

— Атеш чуџуклер. Живи да се фатат овие пезевенци. Не требаше повеќе.

„Толе Паша“ од Стале Попов (1976)

— Викна Бојко така силно, та дури ехото повтори во долот во Врткова Ливада и се разнесе по целата гора до Кучкин Камен нагоре.

„Толе Паша“ од Стале Попов (1976)

По него стана и Куле, но додека тие се фатија за рачиците, Адем се створи пред воловите и почна да се дере: — Што лежите, бре магариња стари, што сте остајле волојте сред угар, а вие лежите на тревата, а?

„Толе Паша“ од Стале Попов (1976)

Сите Анадолци подивеа и почнаа да се дерат, да псујат, да зборуваат неврзани и неразбирливи зборови.

„Толе Паша“ од Стале Попов (1976)

И порасна ли Трајка и Велета да му служат на Адемовите штенци? — се обрна кон Ката и ѝ го покажа детето, кое веќе беше се фатило за нејзината парталава фута.

„Толе Паша“ од Стале Попов (1976)

- Ќе ми се фатиш за мандалото - ѝ возврати Метакот.

„Двоглед“ од Горан Јанкуловски (2011)

Се фати со раката за грбот да се исправи, но не можеше.

„Бојана и прстенот“ од Иван Точко (1959)

- Господи! - извика Бојана и се фати за глава.

„Бојана и прстенот“ од Иван Точко (1959)

- Секако, не си му дораснат на Јурукот, - рече како да ѝ се извинува и повторно се фати за секирата.

„Бојан“ од Глигор Поповски (1973)

По звуците што доаѓаа од онаа страна на поточето, сфати дека кучињата веќе се фатиле со волците.

„Бојан“ од Глигор Поповски (1973)

Веќе копнееше за човечки збор, за нежна мајчинска грижа, за топлиот светол дом, за училиштето кое сигурно веќе почнало да работи, за другарите кои го чувствуваат неговото отсуство и ги пече неговата неизвесна судбина, но колку повеќе им се предаваше на мислите, колку повеќе се пушташе тие да го водат, толку повеќе го разјадуваше немирот, па стана, иако уморен, се фати за секирата и го почна својот двобој со Јурукот.

„Бојан“ од Глигор Поповски (1973)

- Леле! - се фати за глава Бојан. - Па само во твоето училиште има повеќе учители одошто ученици во моето училиште.

„Бојан“ од Глигор Поповски (1973)

Стрепеше особено кога Бојан ќе испружеше рака нагоре, барајќи место каде да се фати, каде да ги закачи прстите, а такво место немаше.

„Бојан“ од Глигор Поповски (1973)

- Така, нека ви биде чисто, топло и меко! - се фати Бојан себеси како зборува на глас.

„Бојан“ од Глигор Поповски (1973)

Имаше една приказна која кажуваше како Волчарот голорак се фатил со некоја разјарена волчица, а во вистинска ѕверска борба, сиот испокасан, раскрвавен, успеал да ја задави.

„Бојан“ од Глигор Поповски (1973)

Веќе две години, откако поизрасна и откако со скок успеа за првпат да се фати за гредата, оваа вежба му стана омилена забава.

„Бојан“ од Глигор Поповски (1973)

Но Марче остана да седи на подвиените колена, само се фати со раката за срцето, па за увцето („Уф, што ме уплаши!”), а потоа не ја ни сврте главата за осорно да го праша: - Од каде ти?

„Синовски татковци“ од Димитар Солев (2006)

Немаше повеќе риби. Не се фати веќе на јадицата ни зинат чевол, ни врвца од чевол.

„Синовски татковци“ од Димитар Солев (2006)

Се фатив за некој исушен корен и притаено гледав тие црни сеништа стапка по стапка како ми се приближуваат вртејќи се околу себе, скокајќи кон ѕвездите, гребејќи и нуркајќи в земи, сѐ дури одново тоа грозно завивање не ми го скрши сонот и ме разбуди со меч со кој на крајот замавнав и на себеси За да се најдам скаменет во прекрасна болка - Скршен меѓу усамата и раната.

„Љубопис“ од Анте Поповски (1980)

Те доведов ваму сам да видиш дека ѕвездата не може да се фати.

„Било едно дете“ од Глигор Поповски (1959)

Се фати со двете раце за кусачката, па и неа ја принамести на ставата, размрдувајќи ги рамената по што, сметајќи се за спастрена и уредна, ја спушти левата рака на скутот и ја преклопи одозгора со дланката од десната рака.

„Човекот во сина облека“ од Мето Јовановски (2011)

Се принамести разнишувајќи ги колковите, се наведна, се фати за двата долни краја на футата и ја затегна до под колена, па ја замазни.

„Човекот во сина облека“ од Мето Јовановски (2011)

И потем сосема кротко пристапи кон разбојот, јас ја фатив за половината, ја поткренав и таа веќе следниот момент се фати за вратилото.

„Папокот на светот“ од Венко Андоновски (2000)

А логотетот пребледе и се фати за срцето. И сите, освен Лествичникот, погледнаа в земја. Логотетот не можеше да земе воздух од изненадување; личеше како да ќе го удри кап. Побара чаша вода, за да се соземе.

„Папокот на светот“ од Венко Андоновски (2000)

Кога Ѓурчин ми соопшти дека ќе сум морал да ја напуштам фотелјата и да се повлечам во предвремена пензија јас и нему му реков дека тоа е можеби најдоброто решение.

„Синот“ од Србо Ивановски (2006)

Но тоа ти е животот: ти го плевиш а плевелот и понатаму расте. Се фатил за земјата и не се пушта.

„Синот“ од Србо Ивановски (2006)

Кога го спомнав воденичкиот камен веројатно мислев на умот.

„Синот“ од Србо Ивановски (2006)

Јас за воденицата и за Пребег сум се фатил. Иди, искорни ме ако можеш.

„Синот“ од Србо Ивановски (2006)

И притоа уште додадов: "Знаеш, другар, повеќе и не сум сигурен што ми мели воденичкиот камен".

„Синот“ од Србо Ивановски (2006)

Наведнувајќи се, честопати и ќе офнеше, а потоа ќе се исправеше и со рацете ќе се фатеше за половината.

„Маслинови гранчиња“ од Глигор Поповски (1999)

Дедо Васја се фати со рацете за жешките гради и повика со цела сила, како животно, паѓајќи долу, врз купот од ладни тела.

„МАРГИНА бр. 4-5“ (1994)

Наведнатиот плукна и го подигна црниот нагант. Екна истрел.

„МАРГИНА бр. 4-5“ (1994)

Со мака се фатив за правата гранка.

„Улица“ од Славко Јаневски (1951)

И брзо, неповрзано и нејасно ги заплетка зборовите прскајќи нѐ со ситни капки: - Сум ја чувала, и сум ја гледала, и сум ја ранела осумнаесет години, проклета да е, и сум бдеела ангелски над неа, а таа - ни благослов да побара од мене, се фатила кучката со некој пијаница, и ајде без збогум, како да нема мајка, а јас овде од грижи се сушам, не зела ништо топло со себе, може да настине, чедо мајкино, тој не ќе ја чува, пак мајка ќе побара, а јас...

„Улица“ од Славко Јаневски (1951)

А јас, лете, наутро, важно соопштував: - Денес на иже јеси се фатиле дваесет и три муви.

„Улица“ од Славко Јаневски (1951)

Се фативме гуша за гуша и се затркалавме по земјата.

„Улица“ од Славко Јаневски (1951)

Се фати за мене како за последна шанса. Што ќе ја врати кон стварноста.

„Слово за змијата“ од Александар Прокопиев (1992)

Некои деца се држат за скутот на мајките, други изгледаат некако достоинствено, подготвени да се фатат во костец со она што уште не го разбираат, но кое лебди врз школскиот двор како фантом.

„Најважната игра“ од Илина Јакимовска (2013)

Се фатив за неговата рака и ја притискав до својот образ како нешто спасоносно, нешто од каде ти доаѓа сигурноста во животот.

„Друга мајка“ од Драгица Најческа (1979)

За да се ослободат Бугарите во Горна Бугарија, што се одделува од Долна со Балканите, 146 доста е да се истепаат византиските гарнизони во неа и да се фатат од нив дервените за да не пропуштаат нова византиска војска.

„За македонцките работи“ од Крсте Петков Мисирков (1903)

Се фатија рака под рака со овие другиве да градат релаксирани меѓуетнички односи.

„На пат кон Дамаск“ од Елизабета Баковска (2006)

Сепак зелено мирисаат пченки и ти раскажува некој со зелен глас: ако не се фатиш за нешто, за шурка небесна светлост или за опаш на магла, ќе се струполиш во шуплива бескрајност - ни над тебе ни под тебе нема ништо.

„Тврдоглави“ од Славко Јаневски (1990)

Човекот навистина се занел на една страна и се фатил со обете раце за стомакот.

„Тврдоглави“ од Славко Јаневски (1990)

И сѐ друго што било кажано, - „Јас ќе го внесам него (оној Доце Срменков) подлабоко в земја.“ Но сега пред куќата се сновела сенка. Ја видел.

„Тврдоглави“ од Славко Јаневски (1990)

Коњоштипите, богомолките и гасениците излапале сѐ, сега нив ги лапаат, ги кинат или ги смукаат стоногалки, жегавици и пајаци. Нема земја, нема ни луѓе ни птици.

„Тврдоглави“ од Славко Јаневски (1990)

Самопочитуваните тревари Никола Влашки и Пандил Димулев го следеле со машки разбирања оддалечувањето на оној чија лузна преку окото веќе двапати му ја преврзувале и го жалеле неснаодливиот млад и убав Куно Бунгур на кого во манастирскиот двор му се насмевнала жената на сургунисаниот маж.

„Тврдоглави“ од Славко Јаневски (1990)

- Во потопот и вашите болви ќе се издават, претскажувал старецот со вражалски ќесички под очите, едното поголемо од другото како што е поголем потпланински бадем од семка на слива; навистина оние четворица со клокотави грла за малку не умреле од незапирливо смеење, се тркалале по млада трева слични на пеливани што се борат со своите сенки, наеднаш половина дружина да попаѓа од стомачен кикот кога оној Филип Макариев го прашал со детска наивност вториот Нојо што ќе се случи ако нивните болви се удават со него а сите други ако останат во големо корито со неговите болвички, црни и скокливи внучиња со Симон-Наконтикова крв на невидливите цицалки - Ќе се давите и ќе подавате раце да ми се фатите за учкуров, ама - на! завлекол рака в појас Симон Наконтик; капнувале од невидено смеење не знаејќи ги бара ли тој болвите под гаќи да ги стисне в рака и да ги спаси од поројните води што ќе ги покријат и Содома и Гомора на вилаетот или заканувачки сака да им го покаже учкурот за кој со задоцнето јунаштво на машкоста им раскажува нови библиски поглавија; од утробата му 'ртел плач.

„Тврдоглави“ од Славко Јаневски (1990)

Бегајте, мртви, се фатил со обете раце за накривен кол во оградата од дабови прачки, ова е свет на живите, вратете му се на гробот, останете меѓу камења, меѓу скаменети полжавчиња и мравулници, вратете се, вратете се.

„Тврдоглави“ од Славко Јаневски (1990)

Се слушнало само некакво суво дишење, болно и испрекинато, човекот можеби се засркнувал, додека и другите околу него не почнале да дишат како и тој, претсмртнички или пијано, потоа тој Јане Крстин офнал и се занел на една страна, тогаш кога сите знаеле дека од негде некој стрелал кон нив, кон сета толпа, сеедно во чие месо ќе се забие оловото од бездруго долгата арамиска, беговска или измеќарска пушка.

„Тврдоглави“ од Славко Јаневски (1990)

Беше во него исто како да се фатил во некое оро, чиишто стапки беа такви, и тој беше целиот во ритамот на таа игра.

„Белата долина“ од Симон Дракул (1962)

Да бидеш суров, против една суровост, со која сѐ уште не си стасал да се фатиш в гуша и да ги одмериш силите, да ја изостриш својата суровост во себе до секавична острина и да бидеш постојано буден против неочекуваното, ненадејното.

„Белата долина“ од Симон Дракул (1962)

Скокна и веднаш се фати за подготовка на појадокот.

„Последната алка“ од Стојан Арсиќ (2013)

Па нели заедно треба да го чекаат мигот на рожбата. Несвесно се фати за стомакот.

„Последната алка“ од Стојан Арсиќ (2013)

Се фати за рабовите на одарот и со треперење се подигна на своите ослабени раце.

„Пустина“ од Ѓорѓи Абаџиев (1961)

Пиреј е троскотна трева, а некои ја викаат и Коштрева. Ама ти колку сакаш кошкај ја, корни ја, куби ја, таа пак не умира. Само малку да се допре до земјата и пак ќе се фати, ќе оживи, ќе потера. Ништо не ја ништи таа трева.

„Пиреј“ од Петре М. Андреевски (1983)

Си се фатил со бумбари лепешкари, тоа ти е...

„Пиреј“ од Петре М. Андреевски (1983)

Се иставам назадгазум и алкам да се фатам за нешто со рацете. Да си помогнам. За да не паднам.

„Пиреј“ од Петре М. Андреевски (1983)

Бугарските војници излегуваа од училиштето, до гробиштата, и поставуваа стражари околу селото. „Сутрин ште трсим шумкарите“ , зборуваа некои од војниците и погледнуваа кон планината.„Ќе им се фатите за кундакот“ , шепотеше Дуко Вендија, крстејќи се со левата рака.

„Пиреј“ од Петре М. Андреевски (1983)

Туку дојди, рака да фатиме, вели. - Да ми се фатиш, вели Наќе, поарно да ми се исуши раката, отколку со тебе да се поздравам, вели.

„Пиреј“ од Петре М. Андреевски (1983)

Кај да е ваперот, ако чуе гајда, ќе дојде, вели, и ќе се фати напред или на крајот ќе се фати, вели, и ќе ти тежи, ако е фатен до тебе на орото.

„Пиреј“ од Петре М. Андреевски (1983)

Нема за што да се фатиш, да се закрепиш. Мислиш сѐ е без потпора, без задршка.

„Пиреј“ од Петре М. Андреевски (1983)

Само малку да се допре до земјата, вели, и пак ќе се фати, ќе оживи, ќе потера. Ништо не ја ништи таа трева, вели.

„Пиреј“ од Петре М. Андреевски (1983)

Има и кавги, Ќе се истркала некој полжав пред туѓа мотика, и едниот ќе рече: мој е полжавот, а другиот: да беше твој, ќе беше пред тебе, ќе рече и ќе се фатат в гуша. Па ајде, брани откинувај.

„Пиреј“ од Петре М. Андреевски (1983)

Погледнувам нагоре - високо. А високото треба да се заземе, да се фати.

„Пиреј“ од Петре М. Андреевски (1983)

Пушките ги испуштиле и се фатиле в гуша. Јас клекнувам и нишанам.

„Пиреј“ од Петре М. Андреевски (1983)

Треба да се фатат диви пилиња, вели, и да им се плукне во клунот.

„Пиреј“ од Петре М. Андреевски (1983)

Србинчињата играа ситни ора. Ќе се фатат за појас, под мишките и само ќе претаат со нозете.

„Пиреј“ од Петре М. Андреевски (1983)

А Витомир уште со прво се фати за тутунот. Само витка цигара за цигара и само чади. Чади и јаде.

„Пиреј“ од Петре М. Андреевски (1983)

И за голема среќа сите дрвца се фатија.

„Пиреј“ од Петре М. Андреевски (1983)

Како да сака нешто да досегне, за нешто да се фати.

„Пиреј“ од Петре М. Андреевски (1983)

еднаш, за една иста коска се фатиле со едно куче и се наттргуваат, си ја отимаат коската, се дават, крв им тече од ноктите и од забите, на Стевана, ко вода му се нишаат забите, не знам кај беше ова и не знам кога беше, јас мислев во цвеќе ќе ја најдеме Македонија, а таа во казан клаена и сите ѓаволи играат околу неа, ќе ја посееш жито, а кукавици ќе ти никнат и после не кладоа да вежбаме војнички работи, фронтот е како кај Бигла, а ние како кај Зајгазица во ливадите вежбаме: напред, назад, клекни, легни, а командирот, некој добар, Благоев го викаа.

„Пиреј“ од Петре М. Андреевски (1983)

Тргнавме накај дома. – Не беше лесно, – рече тој, – да се натера коњот да се однесува толку убаво.

„Црни овци“ од Катица Ќулавкова (2012)

Не сакам да се фатиме во лага.

„Црни овци“ од Катица Ќулавкова (2012)

„Сѐ живо на нозе“, ревеше младоженецот. „Малку сте. На оние што ќе се фатат на оро има давам по пет долари.“

„Забранета одаја“ од Славко Јаневски (1988)

По недолго двоумење, долгманот ја пушти гранката за која се фати.

„Пупи Паф во Шумшул град“ од Славко Јаневски (1996)

Се фатив за глава. - Ама што ви е на сите?

„Пупи Паф во Шумшул град“ од Славко Јаневски (1996)

Во оваа страшна ноќ тој ми беше избавител.

„Пупи Паф во Шумшул град“ од Славко Јаневски (1996)

Во домот беше мошне опасно да се фати човек во кражба.

„Големата вода“ од Живко Чинго (1984)

Сакаше да се фати за глава. „Па јас ви објаснив. Зар не сфативте?“

„Месечар“ од Славко Јаневски (1959)

10. Се фатив себеси како посегам кон управувачот. Всушност, замавнував кон бучната кутија.

„Ниска латентна револуција“ од Фросина Наумовска (2010)

Маренецот порача едно оро, ми се чини, за да видат дали ќе се фатам до него, јас имав обичај да се фатам до ороводецот, но сега не се фатив.

„Три жени во три слики“ од Ленче Милошевска (2000)

Веднаш се фати за работа. Штом сфати што претставува фотографијата, и што значи таа, ја покри со друг лист хартија.

„1984“ од Џорџ Орвел (1998)

Но токму во тој момент тој легна на подот од ќелијата и се фати за едно од железните столпчиња што ја потпираа клупата.

„1984“ од Џорџ Орвел (1998)

Ако паѓаш високо, не е кукавичлак да се фатиш за јажето што виси.

„1984“ од Џорџ Орвел (1998)

На ова Гоше кивна, нешто му се измеша во желудникот, се наведна, се фати за устата со левата рака и, држејќи се со десната рака за газот, блед и разбушавен се стрча кон спачекот.

„Полицајка в кревет“ од Веле Смилевски (2012)

Постоја така размислувајќи за нешто, па се фати за учкурот од шалварите, но брзо се премисли и побегна дома.

„Вежби за Ибн Пајко“ од Оливера Николова (2007)

Онбашијата се фати за балчакот: „Море, ако ги извадиме сабјиве, веднаш ред ќе направиме, ѓаури!“

„Вежби за Ибн Пајко“ од Оливера Николова (2007)

Марко наеднаш побледе. Се фати занишано за шанданот и за малку ќе го турнеше. Немаше сили да ја крене Калија.

„Вежби за Ибн Пајко“ од Оливера Николова (2007)

Од викотницата што идеше од далеку, како некое тешко перде да се мавта и пропушта навеви од пискот, првин се слушна „тутунус, бре”, што значеше дека некого гонат, или дека некој таксиратлија, поради една или друга причина, треба да се фати и зграпчи.

„Вежби за Ибн Пајко“ од Оливера Николова (2007)

6. НАДВОР ОД ОРОТО МНОГУ ПЕСНИ ЗНАЕ - мелодија тананика, но зборовите му се туѓи, а на оро штом се фати ќе почне и да се кае дека нозете му се плеткаат по тактови други...

„Куршуми низ времето“ од Љупчо Стојменски (1976)

17. СИРОМАВОТ СЕ ФАТИ НА ТАНЕЦ, ТАПАНОТ СЕ СКИНА - се селна, бедниот, се пушти и во себе побара вина.

„Куршуми низ времето“ од Љупчо Стојменски (1976)

Впрочем, откога Борко се фатил со учењето и со студиите, а потоа со кариерата, веќе одвај да можеле да се видат.

„Братот“ од Димитар Башевски (2007)

Гледав како таа оди лево-десно, но Симон не осеќаше дека стежнува и дека се фатила риба. Ми изгледаше отсутен.

„Братот“ од Димитар Башевски (2007)

Трајаница не се фати во женското оро.

„Молика пелистерска“ од Бистрица Миркуловска (2014)

Кога најпосле и последната пара ја фрлив, кога виде дека нема веќе ништо во чантата, се згрчи, се фати за градите, офна и се струполи на подот.

„Јанsа“ од Јован Стрезовски (1986)

Се фати со рацете за половина и врцна лево и десно како балерина.

„Јанsа“ од Јован Стрезовски (1986)

Трчаа Илко и Богуле по коритото надолу да му помогнат; истрчаа и други луѓе кога го чуја викањето и му фрлаа сè што ќе дофатеа: кошови, сандаци, дрвја, каци за да се фати Методија, да излезе.

„Јанsа“ од Јован Стрезовски (1986)

Се фатија некои и раце со раце да се борат; маваа со клоци, со глава по нос, касаа со заби, но напаѓачите беа двојно повеќе и сите вооружени, та никаков изглед за спасување немаше.

„Калеш Анѓа“ од Стале Попов (1958)

Се качи Стојан трет и се фати за ќерамидите на калето и како мачка се спушти наземи. Со секавична брзина ја отвори портата и другите се втурнаа внатре.

„Калеш Анѓа“ од Стале Попов (1958)

Решив споменатите христијани да се фатат.

„Калеш Анѓа“ од Стале Попов (1958)

Везирот почна и го прочита докрај писмото. – Стој – викна султанот кога ги слушна последните зборови дека слугата што го донесол писмото е еден од оние што се спасиле при последниот обид да се фатат разбојниците, и го праша везирот: – Каде е тој наш слуга што го донесе писмово?

„Калеш Анѓа“ од Стале Попов (1958)

Не за друго, ами да не чујат соседине. Што ќе речат? Гледај ги чорбаџииве, се фатиле како џамбази за гуша...

„Печалбари“ од Антон Панов (1936)

И затоа, кога Доста проговори, санким „царска ќерка се родила“, Митра веднаш се фати за пиштоли: — Уууу, невесто Досто! Кој ќе чуе ка ќе рече!

„Крпен живот“ од Стале Попов (1953)

Затоа попот си се фати за народната поговорка: „кого туѓа вошка не го полази — не може да сети јадеж“.

„Крпен живот“ од Стале Попов (1953)

Срцата им прваа на двајцата кога се фатија за раце и се подржаа една две минути.

„Крпен живот“ од Стале Попов (1953)

И убаво свиреше Крсте, та штом го рече „тешкото“, и самиот Пере се фати на танецот и почна да се крши и врти како што се кршеше на сретсело кога правеше ќерамиди.

„Крпен живот“ од Стале Попов (1953)

Маѓијата се фати - детето остана здраво и живо.

„Злодобро“ од Јован Стрезовски (1990)

Горјан и Огнен се фатија за работа. Едниот сечеше дрва со секирчето, а вториот ги местеше и странеше за товарање.

„Волшебното самарче“ од Ванчо Николески (1967)

Се фатија за работа. Горјан сечеше од посланата 'ржана слама и го полнеше самарчето.

„Волшебното самарче“ од Ванчо Николески (1967)

Ми се крши ко суво стаклено цвеќе во раце, под нозе, на срце во мозокот ми удира ме заклучува ко да сум казнета со катанец, од надвор правам сѐ да ме нема можеби така ќе се спасам ќе фатам џенем некаде усвет, некаде кајшто никој не ме знае и нема да му падне на памет да ме оспорува оти такви работи не им паѓаат на ум на нормални луѓе ама овде сѐ е можно овде ние не сме ние светот е превртен наопаку ние газиме по шилци ако нив ги промашиме ќе нагазиме на мина ако неа ја промашиме ќе се фатиме во стапица ако и стапицата ја промашиме ќе удри гром ако и громот нѐ промаши ќе се изедеме еден со друг.

„Ерато“ од Катица Ќулавкова (2008)

Потоа, околу средината на попладнето се фатив себеси како потпевнувам.

„Лек против меланхолија“ од Реј Бредбери (1994)

Во кујната силно вриеше некоја вода. Ја остави да врие пет секунди, а потоа со едната рака се фати за наслонот на столицата, стана, ја најде вратата и излезе.

„Лек против меланхолија“ од Реј Бредбери (1994)

- Пандо, ти да молчиш, - подвикна Кузе - и да си седиш мирно, зашто... - Ќе ми се фатиш за обесениот, Кузе.

„Постела на чемерните“ од Петре Наковски (1985)

Кога се фати за траказот, од вратата чу дека Најдо го викна. Се сврте.

„Луман арамијата“ од Мето Јовановски (1954)

Познавајќи ја Родна и нејзината умешност, нејзината способност да ја избере најздравата гранка за да се фати за неа, не можев а да не заклучам дека во нејзината поплака се крие и некоја подлабока причина.

„Жената на белогардеецот“ од Србо Ивановски (2001)

Сите вие дечиња колку што ве имаше во наше маало да се фатевте за раце пак немаше да му ја оградите половината.

„Жената на белогардеецот“ од Србо Ивановски (2001)

ТЕОДОС: Се фатила баба на оро, ќе игра. (Несигурно игра и подоцна Петрија му дава да го води, орото.)

„Чорбаџи Теодос“ од Васил Иљоски (1937)

ПЕТРИЈА: Еј, де куме, деее!

„Чорбаџи Теодос“ од Васил Иљоски (1937)

Озгора од куќата своја, го гледаше сето село како на дланка, гледаше сѐ што се случува во него: во која куќа наутро најрано станале, во кој двор се трча да се фати кокошка за колење, кои жени, уште недорасонети се караат преку плотовите; кои луѓе не си ги користат домашните алиња, туку клечат зад копите и гаждарињата во дворот и бавчите; кој уште пред да зазори, како гробник, како волк, бега од некоја куќа и се провира низ плотовите за да не го видат кај која ороспија преспал ноќеска; на кои чардаци што се суши; која се потпалила, која се препокрива, која се довршува, кој последен излегува од кафеаната и го бара патот за дома, кој влегува и излегува од селото: за добро, за лошо.

„Свето проклето“ од Јован Стрезовски (1978)

„Јас да пресечам може?“ се фати за ножиците Мими.

„Тополите на крајот од дедовата ливада“ од Бистрица Миркуловска (2001)

„Ама јас никому не сум рекол...“ рече Влатко и се фати во лага - а што ако нешто разбрала од Теми, махинално погледна угоре и ја виде Теми - занемена стоеше - со показалецот на цврсто стегнатите усни - значи - таа ништо не рекла.

„Тополите на крајот од дедовата ливада“ од Бистрица Миркуловска (2001)

„Сите новонасадени дрвца се фатиле: гранките се свенати а пупките набабрени.

„Тополите на крајот од дедовата ливада“ од Бистрица Миркуловска (2001)

Секогаш има нешто за кое можам здраво да се фатам.

„Одбрани драми“ од Горан Стефановски (2008)

АНДРЕЈА: Дај да видиме кој си ти! Ако си било кој! Си се фатил со тој шпион.

„Одбрани драми“ од Горан Стефановски (2008)

Се фати прв на оро. Го поведе лесно, потскокливо, живо и колку што се разви ороводниот гердан, одеднаш пресекоа свирките.

„Големата удолница“ од Петре Наковски (2014)

- Ајде, мила - рече една од нив, прва се наведна и се фати за носилката.

„Големата удолница“ од Петре Наковски (2014)

Неколкупати се обидува да се сврти, да се преврти, да се фати за нешто, да се прибере, да застане на колена, да се исправи, ама со секое движење станува сѐ послаба, сѐ поистоштена и чувствува дека мракот околу неа станува сѐ погуст, дека ја притиска кон земјата, ја стега за грло, ја дави.

„Големата удолница“ од Петре Наковски (2014)

Формата што доминира на американскиот Запад, и веројатно во целата американска култура, е сеизмичка: раскршена, процепена форма, израсната од пукнатините на Стариот свет, тактилна, кревка, подвижна, површна култура - во која мораат да се следат истите такви правила за да се фати нејзиниот чекор: сеизмичкото лизгање, меките технологии.

„МАРГИНА бр. 10“ (1997)

Тие се плашат да се фатат за некаква работа, се плашат да започнат што и да е.

„Добри мои, добар ден“ од Глигор Поповски (1983)

Тој е пример за тоа дека и без завршен факултет може одлично да се живее, иако баба ми Санда често со жалење раскажува дека „Ванче нејзин“ бил одличен ученик и дека уште малку испити му останале до факултетската диплома, ама, се фатил со лошо друштво и сѐ баталил.

„Јас - момчето молња“ од Јагода Михајловска Георгиева (1989)

Се фатил Итар Пејо за глава, пак слегол од магарето што го јавал, ја ничкосал главата и почнал да плаче, вика, туфка, аман Господи.

„Крстот камбаната знамето“ од Мето Јовановски (1990)

Скоро се фатија, како дослушнуваат одделни искажувања на селаните.

„Будалетинки“ од Мето Јовановски (1973)

Чакарвелика како да живна. Се разоди низ анот и по дворот, самата за работа се фати, децата како аргати ги хранеше со појадок, со ручок, со ужина и со вечера ги гостеше од она што го имаше или некаде го наоѓаше.

„Будалетинки“ од Мето Јовановски (1973)

Кога се фатија за јазлите уште еднаш застанаа поради бесмислена надеж да не нешто се мени.

„Будалетинки“ од Мето Јовановски (1973)

Ја стави пушката на ѕидот обраснат со скрепи и со двете раце се фати за камењето да го прескочи.

„Будалетинки“ од Мето Јовановски (1973)

Мисериштето на Трајана Пегрески, ставено на една мишка од големиот орев крај патот, изгледаше како побегнато улиште, што тука се фатило.

„Будалетинки“ од Мето Јовановски (1973)

Кокошките, бишката, урнабабана одам на брзање, а на тоа Петра, комшивкана, ми се фатила за портата како капина.

„Будалетинки“ од Мето Јовановски (1973)

Но од свои причини, Французите не можеа да отстапат, па во еден момент едниот, а по него и другиот, се тргна назад, се фати за ременот од пушката, се вкочени и заповедно им го покажа патот што води право кон Ливаѓе.

„Будалетинки“ од Мето Јовановски (1973)

Сега можеш да ми се фатиш, да простиш.

„Будалетинки“ од Мето Јовановски (1973)

Вџашен, без да има таква намера, го закопа погледот во долчето помеѓу нејзините дојки при што таа си ја стави раката на градите, со палецот и показалецот се фати за бисерниот гердан, да се покрие, но некако не криејќи му го задоволството дека знае каде му залутал погледот.

„Продавница за љубопитните“ од Мето Јовановски (2003)

Верува дека нема да го пропушти, во тоа неговиот творечки дух насетува прикаска, но тој е автор кој, прво, пишува за свое задоволство и, второ, сака да си постави мамка на која ќе се фати за да може добро да влезе во играта и успешно да исплива од неа.

„Продавница за љубопитните“ од Мето Јовановски (2003)

А знаеш како е кога ќе се фати капина за тебе.