се (зам.) - расположи (гл.)

Толку се расположија што Ариф опна и 3—4 пушки во знак на победата.
„Крпен живот“ од Стале Попов (1953)
Само што се расположивме, некој заѕвони на врата. Излагам да отворам и оп изненаџење.
„Двоглед“ од Горан Јанкуловски (2011)
Старите толку се расположија што и на срамни песни ја свртеа.
„Крстот камбаната знамето“ од Мето Јовановски (1990)
Добро, се разбравме некако за таа работа и меѓувремено порачавме по една ракија, Баџата се расположи, а Сврделот го сврте разговорот на Информбирото што мене ме сепна, ама Баџата веќе се излана.
„Продавница за љубопитните“ од Мето Јовановски (2003)
Човек си се расположил, си легнал да спие, а вие сте се се растропале, божем!...
„Антица“ од Ристо Крле (1940)
ДИМИТРИЈА: Ќе се расположи Димитрија во гроб.
„Одбрани драми“ од Горан Стефановски (2008)
Малку се расположив кога мајка ми ме одведе на сладолед.
„Јас - момчето молња“ од Јагода Михајловска Георгиева (1989)
Тамам се расположи, ја одврза шамијата од под брадата, и кога беше готова да се предаде на пријатноста на ладот,чу како нешто во коријата зашуме.
„Луман арамијата“ од Мето Јовановски (1954)
„Сонував дека по една тешка војна сум се расположил токму на оној чардак над каминот; изгледа бев именуван за некаков војсководач или болјарин, а турските паши доаѓаа, ми се поклонуваа и ме трупаа со скапоцени подароци“.
„Желките од рајската градина“ од Србо Ивановски (2010)