се (зам.) - почеша (гл.)

- Ние ќе му фрлиме и 10 евра ако треба само нека гине за нас - рече режисерот Дулитл и се почеша за носот.
„Двоглед“ од Горан Јанкуловски (2011)
Се наведна и повторно се почеша по глуждот.
„1984“ од Џорџ Орвел (1998)
Не се осмелуваше да се почеша, зашто ако го стори тоа, вената ќе се воспали.
„1984“ од Џорџ Орвел (1998)
Снежана в сон ја крена раката да се почеша.
„Било едно дете“ од Глигор Поповски (1959)
Маџир маало Ѕидовите со вар варосани од кои, ако се почешаш, целиот ќе си побелен, сарделата (во ИНА конзерва), долапите од надвор на „фасадата“ за тенџерчиња со бели точки, повторно со црвени сардели ползавци, блиску, блиску со дворовите, па за интимно кафе посабајле или чаша вино со „некој“ во квечерината - нема шанси.
„И ѓаволот чита пРада“ од Рада Петрушева (2013)
Петре побеле, па поцрвене. Голтна, се почеша по тилот.
„Вежби за Ибн Пајко“ од Оливера Николова (2007)
Не ми оставија време и да се почешам, што се вели. Толку беше набрзина.
„Небеска Тимјановна“ од Петре М. Андреевски (1988)
Си ги крпиме чорапите и гледаме кој прв ќе се почеша.
„Небеска Тимјановна“ од Петре М. Андреевски (1988)
Мислиш е нафрлена со нешто, а не сака да ја видиш да се почеша.
„Небеска Тимјановна“ од Петре М. Андреевски (1988)
— Соба за младенци, вели Оливера Поточка и се досега да се почеша.
„Небеска Тимјановна“ од Петре М. Андреевски (1988)
Сепак, женското јазиче не издржа да не се почеша.
„Синовски татковци“ од Димитар Солев (2006)
Ќе се одземе човекот и во раце и во нозе и не може ни да се закопча, ни да се почеша, ни од муви да се одбрани.
„Пиреј“ од Петре М. Андреевски (1983)
Доксим Тренчески ја фрли корупката од тиквата, се почеша под капата и слезе долу, во ќеварот. Ние стоиме, чекаме.
„Пиреј“ од Петре М. Андреевски (1983)