се (зам.) - поттргне (гл.)

Потоа таа го позна и, мислиш, пречекува свој домаќин што се враќа од живеење, се поттргна, без збор ослободувајќи му пат кон светлоста зад себе.
„Забранета одаја“ од Славко Јаневски (1988)
Се поттргна настрана, а јас до неговото име додадов: „Водач“.
„Дружината Братско стебло“ од Јован Стрезовски (1967)
Љаке се поттргна назад, му се натопори, испиште: - Одби! Одби! Горе рацете!
„Будалетинки“ од Мето Јовановски (1973)
Таа се поттргна настрана, а во очите ѝ се појави страв - Не, не можам...
„Големата удолница“ од Петре Наковски (2014)
Неочекувано му дојде да ја теши дека се добро ќе се сврши и дека Јован ќе се врати здрав како риба, но место таква една сувишност, праша? „Знае ли жена му?“ Таа се поттргна малку назад.
„Месечар“ од Славко Јаневски (1959)
Иако беше двапати покрупен и повисок од Велета, тој се поттргна и отстапи.
„Бојана и прстенот“ од Иван Точко (1959)
- Тие да биле арни не ќе дојделе дури ваму, му велам, заборави сѐ што било, земи изнаспи се, белки ќе ти се поттргне лошото, му велам.
„Пиреј“ од Петре М. Андреевски (1983)