се (зам.) - построи (гл.)

Гоце излезе пет чекори напред пред стројот и застана мирно.
„Гоце Делчев“ од Ванчо Николески (1964)
Војничката труба затруби збор: - Тита-тита-татии! Јункерите се построија.
„Гоце Делчев“ од Ванчо Николески (1964)
- Строј се! - нареди и откако се построија, со мек глас, ниту да се жали ниту да моли, рече: - Ете, само ние останавме од целата чета.
„Големата удолница“ од Петре Наковски (2014)
Се построивме по водови и марш.
„Постела на чемерните“ од Петре Наковски (1985)
Се собравме, ама не се построивме. Чекавме во толпа.
„Постела на чемерните“ од Петре Наковски (1985)
Некаде околу осум часот командантот ги викна командирите на четите и разговараше со нив.
„Постела на чемерните“ од Петре Наковски (1985)
Има ли доброволци што сакаат да одат да растовараат? - праша Евдоксија, а потоа слезе од бината, отиде потаму во игралиштето и викна: - Доброволците да се постројат по двајца покрај мене!
„Постела на чемерните“ од Петре Наковски (1985)
Најпосле, ја измолкна свирката од градите, даде знак да се постројат девојките.
„Големата вода“ од Живко Чинго (1984)
Маријанти си отиде при крајот на септември и наредниот ден веќе не го слушнавме острото ѕвонење на парчето шина кое нѐ будеше во раните зори и трчаница, сѐ уште по мрак, носејќи го сонот во заспаните очи, моравме да се построиме на плоштадот и со строев чекор што побрзо да ја заземеме малата лединка лево од касарната на која секое утро, во пропишано време, припадниците на албанската воена морнарица истрчуваа на утринска гимнастика.
„На пат со времето“ од Петре Наковски (2010)
Коле стрчна на чело и ни даде знак да се построиме.
„Дружината Братско стебло“ од Јован Стрезовски (1967)
Целата бригада се построи. На чело со знаменосецот Трајче со марш и песна бригадата тргна...
„Волшебното самарче“ од Ванчо Николески (1967)