се (зам.) - ококори (гл.)

— Е, другари, одовде натамо јас ќе ве вода. — Проговори Толе и се ококори како човек кој си ја постигнал целта.
„Толе Паша“ од Стале Попов (1976)
Земајќи здив, пред да провери со втората голтка, се ококори и погледна со чудење во Анета: - Нешто ми е познато ова питие.
„Синовски татковци“ од Димитар Солев (2006)
Не беше израдувана од дињчето, веројатно немаше да биде ни од цвеќето, ќе ѝ се ококореа очите само со мирисот на кафето.  - Види што донесов - дигна едно рипче за опавче.
„Синовски татковци“ од Димитар Солев (2006)
- Мене ли марш? - се ококори Кузе. - Мене ли? Веднаш ќе одам кај командантот, та ќе видиш ти!
„Постела на чемерните“ од Петре Наковски (1985)
Сега и Франц се ококори и го изгледа накриво: - Не признавам, - рече тој. - Камо ти сведоци оти си ми дал?... Лажеш...
„Послание“ од Блаже Конески (2008)