се (зам.) - насмевне (гл.)

Смешно, ќе ви се насмевнам в лице ако ве има, со презир и похота, со грч во срце што како клопче го собирам, иронично ќе ве исмеам, зошто вие не сте ми поважни од децата мои...
„Ветришта“ од Радојка Трајанова (2008)
Татко ми скришум се насмевна. Само ние децата можевме да ја забележиме неговата насмевка.
„Времето на козите“ од Луан Старова (1993)
Таа на тоа ми се насмевна ем предизвикувачки, ем пркосно.
„Балканска книга на умрените“ од Мето Јовановски (1992)
Главниот инженер, млад човек, висок, со долгнавесто убаво лице, само се насмевна и не рече ништо.
„Бунар“ од Димитар Башевски (2001)
Широко се насмевнав и тој насмев, макар слеан, без острина, го видов во огледалото на водата долу.
„Бунар“ од Димитар Башевски (2001)
Тој се насмевна со некоја полунасмевка. Потоа молчеше.
„Бунар“ од Димитар Башевски (2001)
Инженерот и самиот се насмевна кога ме виде мене насмевнат со насмевка на дете што се радува на нешто убаво, а чудно.
„Бунар“ од Димитар Башевски (2001)
- Ќе ти се насмевне, и сам ќе се насмевнеш и ќе му посакуваш и добар пазар, каков и да е...
„Патувања“ од Никола Кирков (1982)
Тој ќе ја кренеше главата кон неа и отсутно ќе ѝ се насмевнеше.
„Светилка за Ханука“ од Томислав Османли (2008)
Од тој гест на мајка ми, на сите ни лекна. Сите се насмевнаа.
„Светилка за Ханука“ од Томислав Османли (2008)
Најдобро би било и јас да ѝ се насмевнам, да ѝ покажам дека ја разбирам, но место тоа јас ги спуштам очите и -о ужас! - гледам дека место мене ѝ се смешка некој друг, и тоа е мојот десен чевел.
„Послание“ од Блаже Конески (2008)
Минат неколку чекори, а таа сѐ го гледа и му се смешка, така што и тој мора малце да ѝ се насмевне, чувствувајќи по нешто дека така треба.
„Послание“ од Блаже Конески (2008)
- Хм, - се насмевна Васе. - Сметав дека ќе ви бидам покорисен ако ми се рацеве одврзани...
„Дружината Братско стебло“ од Јован Стрезовски (1967)
Глава не крши секој - еден е Марко. И глава не се крши секој ден.“
„Клучарчиња“ од Бистрица Миркуловска (1992)
Докторката се насмевна: „Ете ти, сега и херој сака да се прави.
„Клучарчиња“ од Бистрица Миркуловска (1992)
„Ќе оздравиш брзо... ќе се кренеш...“ рече мајка му и се обидуваше да се насмевне.
„Клучарчиња“ од Бистрица Миркуловска (1992)
— Остави и, остави и, нека си одат со здравје и нека си и јадат со здравје паричките! — пак се насмевна Јован.
„Толе Паша“ од Стале Попов (1976)
Залепено до неговите образи, стоеше младо, бело женско лице, со бушава руса коса, кое заедно со Челебијата и се насмевна на групата слуги.
„Толе Паша“ од Стале Попов (1976)
кај станицата синџуку во токио тој петок, да беше петок, се собираа педери кои во јазикот на новото време се именуваат како хомосексуалци а нивните паради се именуваат како геј паради и навистина чиста случајност е што токму во геј улицата близу станицата синџуку во токио имаше многу бездомни кучиња, мала парада на бездомни кучиња кои никаде не брзаат а дишат испрекинато и кога зјапаат во минувачите и кога се клецкаат, да простите близу станицата синџуку се наоѓа градската куќа на токио вообразена и вообличена како бетонски нотр дам баш тука како да се разминав во врвулицата со професорот кензо танге арно ама не стасав да го поздравам од пријателите од скопје професорот кензо танге кому во токио сите му се поклонуваат сигурно горчливо ќе се насмевнеше ако успеев да му го спомнам скопје тој и онака севезден се смее, се смее и на легендата дека токио и цела јапонија се создадени од божјата насмевка и онака низ смеа професорот кензо танге кај станицата синџуку во токио шутна една празна лименка од пиво а знаеше дека го шутира испиеното минато како што знаеше дека син му кокомо кога тогаш во токио ќе сади нови јајца и на врв јајце ќе се насладува со цедени насмевки и ќе ја ишка секоја идна катастрофа пред да удрат ѕвоната на бетонскиот нотр дам.
„Ситночекорка“ од Ристо Лазаров (2012)
„Па жалат ли се пари за ваков ќејф...“ - се тргна дајреџијата од моментното, предизвикано од постапката на докторот Петриќ, тешко чувство, му се насмевна на директорот и сам турна од масата една сребрена десетдинарка што беше падната пред него.
„Бојана и прстенот“ од Иван Точко (1959)
Се насмевна, а мислите веднаш му го донесоа пред очи драгиот лик на дедо му.
„Бојан“ од Глигор Поповски (1973)
Кисело се насмевна и го пречекори прагот за во сопчето. Наеднаш, на половина чекор се сврте.
„Бојан“ од Глигор Поповски (1973)
- Ние ќе успееме, а? - Партизаните... - Партизаните би успеале, сакаш да речеш, нели? - се насмевна Денко.
„Бојан“ од Глигор Поповски (1973)
Оној, на прагот , се прашуваше, зошто Неговиот двојник што оостана во огледалото Се насмевна, и тоа со насмевка како да простува; Но и со молк што го исмејува заминувањето Сметајќи го за предавство или за грев?
„Посегање по чудесното“ од Србо Ивановски (2008)
Стига да се насмевнеш сиот намовнувам толку далеку нѐ водат корените на нашиот смев.
„Посегање по чудесното“ од Србо Ивановски (2008)
Што ти рече светецот, оној, закопаниот в малтер, Па ти се насмевна како да му одобруваш Од кога во вашите разговори Почнаа да навраќаат и насмевки
„Посегање по чудесното“ од Србо Ивановски (2008)
- Ами зајачето? - со еден глас загрижено запрашаа децата. - Хм, зајачето, - се насмевна чичо Никола.
„Било едно дете“ од Глигор Поповски (1959)
Дедо Стамен се насмевна и одговори: - Не можам чедо, таа е високо!
„Било едно дете“ од Глигор Поповски (1959)
- Да, навистина изгорел, - се насмевна еден од пожарникарите.
„Било едно дете“ од Глигор Поповски (1959)
Тој ме погледна, се насмевна цинично и рече: „Утринава. Дали тоа нешто менува?“
„Папокот на светот“ од Венко Андоновски (2000)
Филозофот благо се насмевна, но сфати што значеше она вистинска.
„Папокот на светот“ од Венко Андоновски (2000)
Филозофот се насмевна и праша сосема непритворно: „Зарем треба да се испие цело море за да се сфати дека неговата вода е солена?“
„Папокот на светот“ од Венко Андоновски (2000)
Кога излегол, со записот в рака, се насмевнал и рекол: „Ете. Ништо погубно не се случи, оти јас само препишав слово отровно, а не го толмачев, и затоа отровот не влезе во мене и не ме погуби.“
„Папокот на светот“ од Венко Андоновски (2000)
Жената се насмевна и рече: „Вашата Луција? Што сте ѝ вие на Луција?“ „Другар“, реков, „ништо не сум ѝ“.
„Папокот на светот“ од Венко Андоновски (2000)
Човекот клекна до мене и се насмевна. - Па ти го имаш Карамба-Барамба.
„Сенката на Карамба Барамба“ од Славко Јаневски (1967)
- Да не се мачиш, дрвата сам ги преместив, широко се насмевна Кузман.
„Улица“ од Славко Јаневски (1951)
Пенчо се понаведна кон мене; забавувајќи ги чекорите се насмевна од краевите на немирните очи. Црвено ме гледаше, црно говореше.
„Улица“ од Славко Јаневски (1951)
Се жалеше на срцето. - Срцето? се насмевна жената. - Токму срцето, а?
„Улица“ од Славко Јаневски (1951)
Мене да ми беше мајка, ќе се убиев за да најдам мир!!! Нималку не се насмевнав и засмеав.
„Како да се биде геј“ од Дејвид Халперин (2019)
Се насмевна и рече: -Понекогаш, без да сака, човек може да се доведе во ситуација поради што мора да ги плаќа последиците.
„Мудрецот“ од Радојка Трајанова (2008)
- Миличок, учи да се штедиш – ми вели Хорацио, додека ми го менува облогот – Енергијата ќе ти притреба за да засакаш кога сите меѓусебно ќе се мразат и убиваат, за да се насмевнеш кога сите ќе се муртат.
„Слово за змијата“ од Александар Прокопиев (1992)
Зачудо, очите ѝ се насмевнаа, ни малку изненадени, додека ја сослушува мојата неповрзана приказна, па охрабрени, дрско ѝ велам дека снимката развиена во чудесната лабораторија на Мен Реј е само миговен отпечаток на мистеријата што, вон пролетта и зимата, постои отсекогаш.
„Слово за змијата“ од Александар Прокопиев (1992)
Цигарите ги пикна в пазува, а кутијата ја намириса, нешто прозбори и умилно се насмевна.
„На пат со времето“ од Петре Наковски (2010)
Таа брзо се смири, зашто јас се насмевнав, успевајќи да се совладам.
„Друга мајка“ од Драгица Најческа (1979)
„Затоа што само кога има рамноправност може да има и правда.
„Сестрата на Сигмунд Фројд“ од Гоце Смилевски (2010)
„А зошто не нов матријархат?,“ се насмевна Сара.
„Сестрата на Сигмунд Фројд“ од Гоце Смилевски (2010)
Таа бледо се насмевна. „Намини и посети ме кога ќе излезеш,“ рече и си замина.
„МАРГИНА бр. 1“ (1994)
Но, да имаше и шестпати по шестотини, пак ќе го имаше тој пргав, лесно запалив карактер, си помисли, и одеднаш си се насмевна самиот на својата лутина.
„На пат кон Дамаск“ од Елизабета Баковска (2006)
„Здраво“, ѝ се насмевна и ѝ подаде рака. Таа млако му ја подаде својата.
„На пат кон Дамаск“ од Елизабета Баковска (2006)
Чкртал со заби, го чуле. - Што е, што сакаш овде? прашал со гровтав глас и ѝ ги наслушнувал меките чекори, притаен, со претпазливост на вепар што свикнал на осаменост и на тишина.
„Тврдоглави“ од Славко Јаневски (1990)
Се насмевнала со ноздри итречки и повеќе за себе, кришум. Сенките под нејзините очи се распливнале.
„Тврдоглави“ од Славко Јаневски (1990)
Самопочитуваните тревари Никола Влашки и Пандил Димулев го следеле со машки разбирања оддалечувањето на оној чија лузна преку окото веќе двапати му ја преврзувале и го жалеле неснаодливиот млад и убав Куно Бунгур на кого во манастирскиот двор му се насмевнала жената на сургунисаниот маж.
„Тврдоглави“ од Славко Јаневски (1990)
Знаел зошто Куно Бунгур не може да заспие: кога Фиданка Кукникова ја донела ракијата и ја оставила дружината да пие за среќа на нејзиниот протеран маж, му се насмевнала. Нему, на тој млад и чувствителен човек.
„Тврдоглави“ од Славко Јаневски (1990)
Наеднаш навистина како да ја поклопила магија на пролетта што не можела да биде далеку од нив.
„Тврдоглави“ од Славко Јаневски (1990)
- Орал маж ѝ, доорал, побарал друга нива, воздивнал Гавруш Пребонд.
„Тврдоглави“ од Славко Јаневски (1990)
Се насмевнала само со едната страна на лицето.
„Тврдоглави“ од Славко Јаневски (1990)
Набожно се гледал себеси во светлост на идни божествени зори и ги пцуел четворицата шутови на своето подбивно кралство.
„Тврдоглави“ од Славко Јаневски (1990)
- Но и ти не спиеш, Куно, со мака исцедил од себе одбрана. - Се обидов, не можев.
„Тврдоглави“ од Славко Јаневски (1990)
- Во нашине села нема ваква жена, со дланка го милувал полниот сад Куно Бунгур; пред да отиде - Фиданка Кукникова му се насмевнала.
„Тврдоглави“ од Славко Јаневски (1990)
Тој се насмевна и рече да ме изнесат пред колибата. И ми ја покажа муграта.
„Црнила“ од Коле Чашуле (1960)
И што чека сега, што се врти! (се насмевнува).
„Антица“ од Ристо Крле (1940)
Старицата се насмевна слатко Немој кралу, ти ќе станеш татко Твојата кралица дете ќе ти роди Принцот на бел коњ низ светот ќе оди.
„Поетски блесок“ од Олга Наумовска (2013)
Остап артистички се поклони пред домаќинката и ѝ објави толку долг и двосмислен комплимент, што не можеше ниту да го доврши докрај.
„МАРГИНА бр. 29-31“ (1996)
( - Што ќе речеш на ова, ха? - ја праша Преведувачот Помошничката и славодобитно се насмевна под бричениот мустаќ.
„МАРГИНА бр. 29-31“ (1996)
Сашхен - висока дама, чија што мила лика беше помалку нарушена од бакенбарди, тивко се насмевна и се напи со мажите.
„МАРГИНА бр. 29-31“ (1996)
„Стар лисецу“, внатрешно се насмевнав, „ти играш само на сигурно!“
„МАРГИНА бр. 29-31“ (1996)
Во нашиот случај, формулацијата: колку има во неа од руското, толку има и од светското (вечно, неминливо и т. н.) е сосема соодветна за објаснување на интерференциите, што конкретно руската сатира ги претрпува со сатирата воопшто, барем во раниот степен на својот развиток.
„МАРГИНА бр. 29-31“ (1996)
Кога акушерката ме принесе до татко ми, тој со изглед на зналец го погледна она што бев јас и воскликна: - Можам да се обложам дека ова е син!
„МАРГИНА бр. 29-31“ (1996)
Еднаш сепак и оние двајца се насмевнаа за нешто и уште веднаш и нивните лица станаа црвени.
„Белата долина“ од Симон Дракул (1962)
Девојката се насмевнува на својата убавина.
„Пустина“ од Ѓорѓи Абаџиев (1961)
Арсо ги стегна вилиците. Не рече ништо. Џемал-ага благонаклоно се насмевна.
„Пустина“ од Ѓорѓи Абаџиев (1961)
- Ме спаси од смрт во песоците на Сахара. - Кој? - Смарагда! - Како бргу умееш да измислуваш, - тажно се насмевна Ана.
„Пустина“ од Ѓорѓи Абаџиев (1961)
Тие се познаваат, се смешкаат, те шмекаат и по двапати го пропуштаат лифтот ѓоамити гледаат во мојот излог и чекаат да дигнам поглед од компјутерот за да ми се насмевнат.
„И ѓаволот чита пРада“ од Рада Петрушева (2013)
Се сетив дека зелените не ме сакаат и се насмевнав за да ја сокријам збунетоста.
„Кловнови и луѓе“ од Славко Јаневски (1956)
Тој болно се насмевна и се загледа во огнот пред себе.
„Кловнови и луѓе“ од Славко Јаневски (1956)
Бабата се насмевнува: ќе може и овде на прагот на напуштенава куќа, а можеби и в село ќе се најдат добри луѓе гостопримци.
„Кловнови и луѓе“ од Славко Јаневски (1956)
И јас така мислам, се насмевна мојот пријател.
„Кловнови и луѓе“ од Славко Јаневски (1956)
Двајцата му салутираа на еден гардиски поручник, кој помина покрај нив, љубезно отпоздрави и им се насмевна.
„Браќата на Александар“ од Константин Петровски (2013)
Александра (Александар и Александра, како слоган во срце издлабен на школска клупа), се насмевна и го поздрави.
„Браќата на Александар“ од Константин Петровски (2013)
Бојана се насмевна. - Без никакви планови Алек, вечерва ти како кавалер спиеш на подот!
„Браќата на Александар“ од Константин Петровски (2013)
Но кој ќе излезе накрај со таа питомост која и ни овозможува да преживееме, речиси во истиот момент си реков себеси дека можеби Ана (дека можеби Маргарита) нема да се симне на Монпарнас-Бјенвени (и не се симна), дека нема да се симне на Вавен, и не се симна, дека можеби ќе се симне на Распај бидејќи тоа е првата од двете преостанати можности, па кога ни тука не се симна и кога сфатив дека останува уште само една станица каде што би можел да ја следам наспроти последните три каде што веќе сѐ би било сеедно, пак ги побарав очите на Маргарита на прозорското стакло, ја повикав од таква тишина и неподвижност што тоа мораше да допре до неа како зов, како бран, ѝ се насмевнав со онаа насмевка која веќе ни Ана не можеше да ја занемари, која Маргарита мораше да ја прифати иако не го гледаше мојот одблесок камшикуван со полусветлото на тунелот што веќе избиваше на Данфер-Рошро.
„МАРГИНА бр. 6-7“ (1994)
Со неколку куршуми во себе, пред сосема да се прости од метежот на тоа споулавено човечко судрување, Питу Гули го видел над себе коњот со вулканска ноздри. Се насмевнал, белината на неговите заби била покриена со крв.
„Забранета одаја“ од Славко Јаневски (1988)
Што говорам, се насмевна. Тоа беше прва насмевка.
„Забранета одаја“ од Славко Јаневски (1988)
Така ли е, Пишпирикуле?
„Пупи Паф во Шумшул град“ од Славко Јаневски (1996)
Се насмевнав однатре.
„Пупи Паф во Шумшул град“ од Славко Јаневски (1996)
Кисело се насмевнав. - Ќе ме купувате еден од друг, - со надеж изустив. – Ќе си поиграте троа и ќе ме одврзете.
„Пупи Паф во Шумшул град“ од Славко Јаневски (1996)
Мала е и сепак џин, часкум светов ќе го мине.
„Пупи Паф во Шумшул град“ од Славко Јаневски (1996)
СЛИКА: БАБА МУ ДЕПА Баба му Депа и дедо му Аврам се слагаа во сѐ: како грнче и поклопче; како оган и мраз: тој пали, таа гаси; ако тој нешто ѝ подвикнеше или ја потскараше, таа само ќе му се насмевнеше и ќе го разоружаше; а понекогаш му препушташе да биде по негово.
„Животраг“ од Јован Стрезовски (1995)
И Богдан, отпивнувајќи од чашата, погледот го држеше кон неа; охрабрен од пијалокот сѐ така очите ги имаше вперено кон неа за да ѝ го види подобро и подолго оној нејзин змиски поглед, оној нејзин отровен насмев, она нејзино кисело собирање на усните мачејќи се да се насмевне, она нагло менување на боите на лицето предизвикано од внатрешниот немир, она нагло менување на расположението, она нејзино нервозно префрлување нога врз нога, она почесто палење цигара и нервозно гаснење тукушто запушена и она нејзино уморно поджулнување на слепоочниците со прстите, она нејзино постојано ставање на рацете на маса, па на скут не оставајќи ги ни малку да се смират.
„Животраг“ од Јован Стрезовски (1995)
Татко само се насмевна на комплиментот и потем го воведе Камилски во царството на своите книги.
„Балканвавилонци“ од Луан Старова (2014)
Ти си непоправлив хедонист! Татко ништо не рече, само благо се насмевна.
„Балканвавилонци“ од Луан Старова (2014)
На лавот му ги скршија забите на Голи Оток.
„Балканвавилонци“ од Луан Старова (2014)
Види чудо над чудата! Татко лежерно, речиси невидливо, се насмевна!
„Балканвавилонци“ од Луан Старова (2014)
Обајцата се насмевнаа, мислите им одеа во ист правец кон модриот патлиџан!
„Балканвавилонци“ од Луан Старова (2014)
Се ближеше пладне, но остануваше уште многу време до ручекот, а тие беа уште само на теоретскиот дел на дебатата за заемките на источните јадења.
„Балканвавилонци“ од Луан Старова (2014)
Каква ќе биде судбината на зборот мезе во нашата листа? запраша Камилски откако го почувствува лезетот на кавијарот од модар патлиџан.
„Балканвавилонци“ од Луан Старова (2014)
Камилски иронично се насмевна на оваа шега, но Татко продолжи со сериозен тон: Јазикот ја има главната функција во зборообразувањето, но и во утврдувањето на вкусовите.
„Балканвавилонци“ од Луан Старова (2014)
Камилски само кисело се насмевна: Мина моето јунаштво.
„Балканвавилонци“ од Луан Старова (2014)
Од некаде допираше неуморно и ритмичко удирање на тарабука, потоа, во исто време, на тоа тропање му се придружи чкртање на бунарски чекрег и некаков кавгаџиски баритон. „Не се кајам“, му рече и ги тргна рацете. „Сепак мислам дека веќе не ќе можеме да се сретнуваме.“ Отец Симеон се насмевна - „Не биди сурова кон бронзаниот поет.
„Месечар“ од Славко Јаневски (1959)
Се насмевна сакајќи да избегне да се поздрави со нив брат му го виде, иако му се чинеше дека очилата над чудните, немирни очи се замаглени од замисленост.
„Месечар“ од Славко Јаневски (1959)
И се насмевна со темна пакост на усните: „Додека чекав да ме пријавите на уважениот началник прочитав неколку решенија на оваа маса. Дивни податоци и дивни бројки.
„Месечар“ од Славко Јаневски (1959)
Се насмевна: малечка корупцијо на сламена фотелја!
„Месечар“ од Славко Јаневски (1959)
Се насмевна сега, се сети на продуваните години...
„Месечар“ од Славко Јаневски (1959)
Не и се насмевна и виде - сестрата го погледна без љубезност, рамнодушно.
„Месечар“ од Славко Јаневски (1959)
До гледање, Јано. Се насмевна како да ќе апне и го фати Мирона под рака „Пеј, Мироне.
„Месечар“ од Славко Јаневски (1959)
- Внимавај на кабелот, уметниче, знаеме дека забораваш и на својата глава! – продолжи и се насмевна шегобијно, за секој случај меркајќи го со будно око кабелот.
„Ниска латентна револуција“ од Фросина Наумовска (2010)
Христина се насмевна и пружи рака, Петар го подигна шеширот во знак на поздрав и ѝ ја бакна раката.
„Белиот јоргован“ од Хајди Елзесер (2012)
„Убав обичај“ рече Томаица и се насмевна тивко.
„Белиот јоргован“ од Хајди Елзесер (2012)
„Еве, најдов, во ред е“ рече таа и се насмевна.
„Белиот јоргован“ од Хајди Елзесер (2012)
Конзулот Грекусис се насмевна, поклони ја бакна раката на секоја од девојките и интензивно ја погледна Томето.
„Белиот јоргован“ од Хајди Елзесер (2012)
Тој ѝ климна со главата, а таа само срамежливо се насмевна и го трга погледот на страна, чувствувајќи како ѝ шика врелина во лицето и како врвовите на ушите ѝ горат.
„Белиот јоргован“ од Хајди Елзесер (2012)
Војникот ја крена со една рака пушката со бајонетот, а со другата смирено ја погали ќеркичката Јета по косата.
„Амбасади“ од Луан Старова (2009)
Таа се насмевна и повторно ја најде раката на стариот градинар Раиз.
„Амбасади“ од Луан Старова (2009)
Винстон го знаеше тоа, се разбира. Тој се насмевна, се надеваше, со разбирање, немајќи доверба во себе за да проговори.
„1984“ од Џорџ Орвел (1998)
„Да“, рече Винстон. О'Брајан се насмевна. „Ти си грешка во мострата Винстоне.
„1984“ од Џорџ Орвел (1998)
Се насмевна како да се извинува и како да вели нешто по малку глупаво, додаде: „Портокали и лимон, велат ѕвоната на Свети Клемент!“
„1984“ од Џорџ Орвел (1998)
Ме понесуваше таа сличност и забележував дека кога ќе се насмевнеа усните на некоја од жените и дундата ѝ се подоптегнуваше во должина, и во исто време се подрашируваше, потреперуваше.
„Полицајка в кревет“ од Веле Смилевски (2012)
Ханка насети движење во дворот, набрзина стана, се приближи до прозорецот и се насмевна кога виде дека стариот пес, што заеднички го хранеа со комшијата Боро Симески, уморен се прибира во дворот и се свиткува крај коренот на кајсијата за да ја мине ноќта.
„Полицајка в кревет“ од Веле Смилевски (2012)
Се загледа во полната месечина на која се оцртуваа линии на човечко лице: нејзе ѝ се причини дека тоа лице првин ѝ се насмевна со подбив и закана, потоа се смршти, се стемни, дека светлината истече низ некој дол од другата страна на темната планина чии сртови едвај се забележуваа како грб на огромна камила.
„Полицајка в кревет“ од Веле Смилевски (2012)
Ако некоја се накашлаше, речиси, мигновено долу, меѓу нозете, устинките формираа крукче кое потоа се разобличуваше и пак устинките се слепуваа.
„Полицајка в кревет“ од Веле Смилевски (2012)
„Чувте ли, луѓе, што рече ибн Бајко ефенди?“ И се насмевна недугаво.
„Вежби за Ибн Пајко“ од Оливера Николова (2007)
„Нешто си ми збунет”, добродушно се насмевна Марун Крусиќ.
„Вежби за Ибн Пајко“ од Оливера Николова (2007)
Тој се насмевна и ја гушна, збунет пред таа едноставна проникливост.
„Вежби за Ибн Пајко“ од Оливера Николова (2007)
Ама Мехмед -паша здржано се насмевна: „Бак анасана”, му рече тој, „Немој овде многу да ми се правиш пеливан, Миклош ефенди.
„Вежби за Ибн Пајко“ од Оливера Николова (2007)
Мајстор Јосиф првпат се насмевна. Собра плунка и тој. Плукна меѓу нозе.
„Вежби за Ибн Пајко“ од Оливера Николова (2007)
„Благодарам“, рече брзо, „само прости, за кусур ќе немам, ова се дувровнички пари.“ И се насмевна кротко.
„Вежби за Ибн Пајко“ од Оливера Николова (2007)
Се заврте кон надворешната врева, и без да каже повеќе ништо за тоа, се насмевна жално, па ’ркна и плукна низ вратата на дуќанот.
„Вежби за Ибн Пајко“ од Оливера Николова (2007)
„Знам да клањам“, збунето се насмевна тој. „Да клањаш?“ Кајмакамот се искокоте. „Бак анасана, а знаеш ли да се крстиш?“
„Вежби за Ибн Пајко“ од Оливера Николова (2007)
Седнаа, скрстија нозе, ѝ се насмевнаа утешно на подуената од плачење Калија, каснаа една до две леблебии и испија по чавче салеп.
„Вежби за Ибн Пајко“ од Оливера Николова (2007)
„А овде е?“ скоро викна ибн Тајко, возбуден од двосмислените одговори. „Кој е овде?“ се насмевна бегот.
„Вежби за Ибн Пајко“ од Оливера Николова (2007)
Марко жаловно се насмевна: „Со ибрицине ли и со сааните?
„Вежби за Ибн Пајко“ од Оливера Николова (2007)
„Гледаш, го слават новиот муслиман!“ се насмевна нажалено Гази-баба.
„Вежби за Ибн Пајко“ од Оливера Николова (2007)
Ама санџак-бегот веднаш се насмевна: „Не плаши се.
„Вежби за Ибн Пајко“ од Оливера Николова (2007)
Толку беше. Мислам дека малку и се насмевна.
„Братот“ од Димитар Башевски (2007)
— „Море ми, кога а иска, слепелнику?“ — му вела јас, a тој се насмевна и ми чини со ишерет: „види, види шо има во неа, та не питај кога су а искал!“
„Крпен живот“ од Стале Попов (1953)
Само пристојно се насмевнав и киднав, немајќи сила да му кажам дека сиротата Македонија, поради онаа грчка будалаштина, всушност навива за Меккејн.
„Бед инглиш“ од Дарко Митревски (2008)
Мајка се насмевна: – Фризурата ми остана неколку дена.
„Ервехе“ од Луан Старова (2006)
- Азијат... - се насмевна Стивенс во брадата да не чуе Бонети и ја издолжи чашата да се чукне со пратеникот и игуменот; се чукнаа, но ним голтката што ја отпивнаа како да им остана во грлото.
„Злодобро“ од Јован Стрезовски (1990)
„Сѐ. Инаку ќе се обидам поинаку...“ Се насмевна.
„Две Марии“ од Славко Јаневски (1956)
Ја залепил главата на решетките од кафезот и таинствено се насмевнал.
„Две Марии“ од Славко Јаневски (1956)
После се плашеше, не можеше да се насмевне во мракот.
„Две Марии“ од Славко Јаневски (1956)
Се насмевна мислејќи на својата крв: „Непознати цветови? Можеби си се излажала, Марија.
„Две Марии“ од Славко Јаневски (1956)
– Во тој момент и јас се насмевнав за да ја поддржам радосната искра во очите на Роман Гигов Грофот што наеднаш почна да трепери.
„Летот на Загорка Пеперутката“ од Србо Ивановски (2005)
– Не знам за вашето искуство, но што се однесува до мене, сè убаво што го имам доживеано навистина е плод на непресметливите случајности.
„Летот на Загорка Пеперутката“ од Србо Ивановски (2005)
Последнава забелешка, со сите откачени асоцијации што таа ги содржеше, ја придодадов бидејќи забележав како приоѓа Јана.
„Летот на Загорка Пеперутката“ од Србо Ивановски (2005)
Мојот познајник, Самоников - мислам дека се насмевнав (за малку и Катерина да ја прашам дали забележала некои промени на моето лице) - мојот познајник Самоников да беше случајно фараон или некоја слична фаца веројатно ќе мораа и неговите љубовници и метреси да го придружуваат на ова негово големо патување.
„Летот на Загорка Пеперутката“ од Србо Ивановски (2005)
„Но, да ја видиме поканата“, услужно се насмевна.
„Желките од рајската градина“ од Србо Ивановски (2010)
Професорот се насмевна и му се врати на текстот: …
„Желките од рајската градина“ од Србо Ивановски (2010)
Се разбира дека се насмевнав.
„Желките од рајската градина“ од Србо Ивановски (2010)
„Така и мислев“, се насмевна момчето.
„Лек против меланхолија“ од Реј Бредбери (1994)
„Па добро. Ќе ти дадам уште по три таблети. Секоја за по еден изданок, а, малечок?“ се насмевна лекарот.
„Лек против меланхолија“ од Реј Бредбери (1994)
„Да спијам?“ Се замисли околу ова и се насмевна, а потоа брзо ја стави раката преку уста.
„Лек против меланхолија“ од Реј Бредбери (1994)
Се насмевна в сон. Ги гледаше облаците што пловеа по егејското небо.
„Лек против меланхолија“ од Реј Бредбери (1994)
„Не сум ниту човек веќе.“ Луѓето отстапуваа. „Јас сум градот“, рече и се насмевна.
„Лек против меланхолија“ од Реј Бредбери (1994)
Ѝ се насмевна дури и на жена си! „Од каде сега пак таа возбуда?“ инсистираше таа.
„Лек против меланхолија“ од Реј Бредбери (1994)
Нултиот час. Госпоѓа Морис се насмевна. Нулти час.
„Лек против меланхолија“ од Реј Бредбери (1994)
Ах, ви благодарам, ви благодарам многу”, рече една од девојките. „Вие не знаете колку ни значи тоа.“ Хернандо се насмевна.
„Лек против меланхолија“ од Реј Бредбери (1994)
Се насмевна во себе. Секако, секако ... овој човек на плажата — колку години има? Шеесет и пет? Седумдесет? — чкрташе и шаркаше наоколу.
„Лек против меланхолија“ од Реј Бредбери (1994)
Тивко ја затвори вратницата. Се насмевна. Поткровјето беше мирно како буроносен облак пред луња.
„Лек против меланхолија“ од Реј Бредбери (1994)
„Чудно“, мрмореше таа. Кога дури третото попладне поита долу за да руча тој им се насмевна на студените ѕидови, посивените чинии и изгребаните лажици и вилушки.
„Лек против меланхолија“ од Реј Бредбери (1994)
Скараните мечки првин се погледнаа непријателски, потоа се насмевнаа, му се заблагодарија на судијата и заминаа кон пештерата.
„Раскази за деца“ од Драгица Најческа (1979)
Одеднаш Трајанка изгледаше како да се покајала што му се насмевна и му сврти грб на Мартина.
„Луман арамијата“ од Мето Јовановски (1954)
Се гледаа така и прикажуваа со очи неколку моменти додека, најпосле, едновремено не се насмевнаа.
„Луман арамијата“ од Мето Јовановски (1954)
И се насмевна од задоволство.
„Луман арамијата“ од Мето Јовановски (1954)
Гостите го погледнаа и се насмевнаа.
„Зоки Поки“ од Оливера Николова (1963)
- Добро е, - се насмевна сега бабата, - нашиот Зоки веќе знае што е жешка супа.
„Зоки Поки“ од Оливера Николова (1963)
Од оваа мисла лутината брзо му поминува и неговото лице со наклоност се насмевнува кон гостинчето од село.
„Зоки Поки“ од Оливера Николова (1963)
„Мило ми е што си дојдена, Рајне, ама јас не чекам гости во дуќанот“, ѝ рекла тогаш Трајчеица, и тоа само за да си ја поништи горчината, така барем велеше дека ѝ рекла, но Рајна студена како мразулец, само се насмевнала, „и тоа со половина око, да извиниш“.
„Жената на белогардеецот“ од Србо Ивановски (2001)
Раскажи му го“, ѝ велам, „тоа на некој друг, кој е поупатен во тие нешта“.
„Жената на белогардеецот“ од Србо Ивановски (2001)
Само се насмевнав: „Е, како да сум јас онаа која ги распознава мивките од чесните жени па дојде мене да ми го раскажеш тоа.
„Жената на белогардеецот“ од Србо Ивановски (2001)
- Луда сум по егзотичните нешта – благо се насмевна таа.. – За среќа, во мојот град постои продавница за јужно овошје. И секогаш е свежо.
„Пловидба кон југ“ од Александар Прокопиев (1987)
Младичот се насмевнува: - Како успеавте во тоа?
„Пловидба кон југ“ од Александар Прокопиев (1987)
Зошто ми е замрежен погледот кога под нив ќе се насмевне песокот?
„Дождови“ од Матеја Матевски (1956)
- Ема! - одеднаш викна учителката, - што си седнала така? Седи нормално.
„Чкртки“ од Румена Бужаровска (2007)
Јас само се насмевнав и не мрднав.
„Чкртки“ од Румена Бужаровска (2007)
- Имате нешто... тука, - покажа Французинката со прст накај нејзината уста и концентрирано го погледна.
„Чкртки“ од Румена Бужаровска (2007)
- Здраво, - рече Ема кога стаса до нив. - Здраво, - рече Ирена, но не се насмевна.
„Чкртки“ од Румена Бужаровска (2007)
Братучедите повторно срамежливо ме избакнуваа и брзо ми се измолкнаа од прегратки.
„Чкртки“ од Румена Бужаровска (2007)
Се насмевнав кога го погледнав и се случи чудо.
„Чкртки“ од Румена Бужаровска (2007)
Ми се насмевна кога ме виде.
„Чкртки“ од Румена Бужаровска (2007)
Носеше црвени тренерки и црвени патики. На левата рака имаше огромен спортски рачен часовник. Му се насмевна со големите бели заби.
„Чкртки“ од Румена Бужаровска (2007)
Таа колебливо се насмевна, ја зеде тепсијата, се заблагодари и ја затвори вратата.
„Чкртки“ од Румена Бужаровска (2007)
Сепак, Кристина срамежливо се насмевна кога се поздравивме покажувајќи ми го голото непце каде што ѝ паднал еден заб.
„Чкртки“ од Румена Бужаровска (2007)
Кога отвори, Ѓорѓија беше толку збунет што само се насмевна и како папагал го изрецитира текстот што го беше вежбал претходно: ѝ рече дека тој е соседот отспротива, дека испекол колачи и дека сакал да ѝ ги даде да ги проба, ете, како на нова сосетка.
„Чкртки“ од Румена Бужаровска (2007)
Ѓорѓија учтиво се насмевна.
„Чкртки“ од Румена Бужаровска (2007)
Ѓорѓија се свести и си ги излижа забите.
„Чкртки“ од Румена Бужаровска (2007)
Порано и ме бакнуваше - но вака, кога ми се спиеше, можеби мислеше дека ми прави услуга со тоа што е ефикасен за побрзо да можам повторно да заспијам, иако по неговото дишење препознавав дека тој секогаш заспиваше пред мене.
„Чкртки“ од Румена Бужаровска (2007)
Свртена накај ѕидот, се преправав дека сè уште спијам.
„Чкртки“ од Румена Бужаровска (2007)
- Хм, куче... - рече таа, кривејќи ја надолу устата, а веднаш потоа се врати на темата, - некои животни се за јадење, а некои се за галење, - рече, ја погледна Маци и ѝ се насмевна.
„Чкртки“ од Румена Бужаровска (2007)
Распукнуваш како... како... како зрела калинка!“ се насмевна Томе.
„Тополите на крајот од дедовата ливада“ од Бистрица Миркуловска (2001)
- Сум пораснала, велиш... - се насмевна Циљка. - Си пораснала чендо, по планињето - пустињето...
„Големата удолница“ од Петре Наковски (2014)
Застанав над неа, ѝ намигнав, а таа одвај најде сила да се насмевне... Ја бакнав в чело...
„Големата удолница“ од Петре Наковски (2014)
- Јас сум, мајко... - Циљка го урна сомнежот и дури сега смогна сили да се насмевне.
„Големата удолница“ од Петре Наковски (2014)
Го погледнав Х.Х. сожаливо. Тој цинично се насмевна.
„Атеистички музеј“ од Луан Старова (1997)
Тој ми се насмевна, ми намигна, и предложи: - Ајде да одиграме една партија шах.
„Јас - момчето молња“ од Јагода Михајловска Георгиева (1989)
- Знам, - тажно се насмевна, - опседнат е со тоа откако пред десетина дена се случи она со дедо му Баџак.
„Јас - момчето молња“ од Јагода Михајловска Георгиева (1989)
Мајка ми ме погледна изненадено и се насмевна: - А, за тоа не ми кажуваш, мангуп еден, криеш од мене, а?
„Јас - момчето молња“ од Јагода Михајловска Георгиева (1989)
Тој малку тажно, или само мене така ми се причини, се насмевна и рече: - Кутриот Борис, постојано се враќа во своето детство, затоа сѐ таму го наоѓаат кога ќе се загуби.
„Јас - момчето молња“ од Јагода Михајловска Георгиева (1989)
Шишман прво му се насмевна на ефрејторот и во тој момент ги отвори очите. - Спиеш? - рече ефрејторот. - Не, - рече Шишман.
„Будалетинки“ од Мето Јовановски (1973)
Србин му се насмевна, а Шишман како обично се зарадува.
„Будалетинки“ од Мето Јовановски (1973)
Капетанот го засука мустаќот, задоволно се насмевна, го потупка Шишмана по рамо: - Мерси, мерси, - рече- Оревуар. - Аревур, - рече Шишман.
„Будалетинки“ од Мето Јовановски (1973)
Германија се насмевна со напор, на Едо му се пристори дека таа се направи како божем зборот „земеме“ да не го чула и тоа го доболе.
„Продавница за љубопитните“ од Мето Јовановски (2003)
„Ти – уште си тука?“ праша Едо брезничанецот. И како да се насмевна!
„Продавница за љубопитните“ од Мето Јовановски (2003)
Едо се насмевна поткревајќи ја главата од што врапчето се исплаши и одлета.
„Продавница за љубопитните“ од Мето Јовановски (2003)
Потоа, додека девојката точеше пиво, со едната рака држејќи ја криглата, со другата рачката од чепот, со дојките предизвикувачки напнати, на неколку пати го крена погледот и загледувајќи му се право в очи на Еда, со искричав блесок што зрачеше од нејзините крупни сиви очи, милно му се насмевна...
„Продавница за љубопитните“ од Мето Јовановски (2003)
На авторот му се виде дека младиот човек поради сопственото несфаќање дури и како да почнуваше да се нервира. Задоволен, авторот му се насмевна.
„Продавница за љубопитните“ од Мето Јовановски (2003)
Тоа на Едо толку ми се допадна што одвај се воздржуваше да не се насмевне.
„Продавница за љубопитните“ од Мето Јовановски (2003)
Каде ќе стапнеше озеленуваше трева, каде ќе се насмевнеше - расцветуваше цвеќе, до што се допреше - олистуваше.
„Билјана“ од Глигор Поповски (1972)
А сепак беше пријатен, особено кога ќе се насмевнеше. Тогаш од неговоте очи избиваше топлина.
„Билјана“ од Глигор Поповски (1972)
Чичкото шофер се насмевна широко, ја симна шоферската капа од главата, се разлади малку по лицето, мавтајќи ја капата лево-десно и пак си ја качи.
„Билјана“ од Глигор Поповски (1972)
Чичкото го погледна динарот во неговата испотена дланка, се насмевна и рече: - Немаш доволно пари.
„Билјана“ од Глигор Поповски (1972)
Тој спокојно се насмевна и мирно, многу мирно, како да не ја забележува мојата невешто прикриена нервоза, рече: - Да, и јас бев нестрплив да те сретнам.
„Игбал, мојата тајна“ од Јагода Михајловска Георгиева (2000)
- Ти, изгледа, не знаеш што е тоа „промаја во фрижидер” – се насмевнав откако ѕирнав внатре. – Да видиш како е кај нас понекогаш!
„Игбал, мојата тајна“ од Јагода Михајловска Георгиева (2000)