се (зам.) - гости (гл.)

Војне тука крадеше овци од туѓите булуци, кокошки од кокошарниците за да се гости со другарите и се некои такви работи правеше.
„Продавница за љубопитните“ од Мето Јовановски (2003)
Ќе ја менам верата и ќе се потурчам. Турците јадат баклава, татлии, локуми и се гостат со слатко и благо.
„Волшебното самарче“ од Ванчо Николески (1967)
Козличето се гостеше со сочните лисје и трева. О, колку е среќно козлето, коментираше гласно Чанга, се внесуваше во текот на настаните во расказот.
„Времето на козите“ од Луан Старова (1993)
Најдоброто мезе се гости со ракија или рујно вино на чардакот кога душата ти сака, а Бог не се противи.
„Балканвавилонци“ од Луан Старова (2014)
Нема дилема - си помислив, многу скоро, можеби четврт час пред ние да стигнеме, на местово се гостела некоја мечка.
„Јас - момчето молња“ од Јагода Михајловска Георгиева (1989)
Ајкулите спокојно си се гостат со живи остатоци од неостварените мечти.
„Кревалка“ од Ристо Лазаров (2011)
- Како сум гладен - продолжи чичко Тале - царски ќе се гостам.
„Волшебното самарче“ од Ванчо Николески (1967)
Се гостеле, мрдале со уши и се веселеле.
„Пупи Паф во Шумшул град“ од Славко Јаневски (1996)