му (зам.) - избие (гл.)

Легна под Малчевиот орев на плеќи, ги фрли очите во широките лисја на оревот и побара едно прозорче преку кое погледот му изби.
„Крпен живот“ од Стале Попов (1953)
На Мусли бег и пазувите и папокот му се наполнија со пот; грашки пот му избија на челото, на лицето.
„Потковица на смртта и надежта“ од Миле Неделкоски (1986)
ГЛАВА ПЕТНАЕСЕТТА САБЛЕРСКИТЕ ФАБРИКАНТИ
„Гоце Делчев“ од Ванчо Николески (1964)
По челото му избија капки пот.
„Гоце Делчев“ од Ванчо Николески (1964)
Но она што навистина го потсети на неа токму во тој момент беше несносната горештина на тоа попладне, од која му изби пот по челото.
„1984“ од Џорџ Орвел (1998)
Се чинеше како да му избива низ кожата наместо пот, а некој можеше да помисли дека дури и солзите што лееја од неговите очи се чист џин.
„1984“ од Џорџ Орвел (1998)
Наеднаш се сепна со шок од ужас. По должината на ’рбетот му изби пот.
„1984“ од Џорџ Орвел (1998)
Но, запишано е, дека на неговиот единствен портрет, од доцното мимчештво, каде е насликан како Архангел Михајло (според некои од анонимен еснафски мајстор, а според Хауард Даблју Браун од величествениот Justinaianus Hermeticus, иако и обете тврдења се потпираат единствено на податокот од „Тајната историја“ на Ниќифор Правдољубивиот, во која се присутни исклучиво исчезнати имиња, слики, палати, предели): - „...од очите му избива оној подземен, мрачен, но опседнувачки занес“.
„Слово за змијата“ од Александар Прокопиев (1992)
Тик-так, тик-так-тик-так..срцето му избива од градите дур со муцката се обидува да ѝ ги допре хулахопките.
„Сонце во тегла“ од Илина Јакимовска (2009)
Му избива силна шурка крв и го стрка лебот...
„Злодобро“ од Јован Стрезовски (1990)
Одвреме навреме тага му избива на лицето и тоа ми го кине срцето.
„Невестата на доселеникот“ од Стојан Христов (2010)
Распрснатите мисли му се собираат и ненадејна светлина му избива пред очите.
„Пустина“ од Ѓорѓи Абаџиев (1961)
Но потоа пак се исправи и видов како од под подгореното лице му избива бледило.
„Братот“ од Димитар Башевски (2007)