скрои (гл.) - план (имн.)

Сепак, си бил едно време еден богат скржавец кој скроил план како од тој Абернети да извлече лекарско мислење без да му плати.
„Црни овци“ од Катица Ќулавкова (2012)
Добро, најпосле си рекол судијата и го скроил планот. „Вака ќе направиме“, рекол.
„Продавница за љубопитните“ од Мето Јовановски (2003)
Вон себе Лошо скроен план од неправилно исечено време и распарталени копнежи.
„Зборот во тесен чевел“ од Вероника Костадинова (2012)
Најужасно е да се сфати дека психијатарот не го гледа вашето вистинско јас, дека не сфаќа што чувствувате и дека само си тера напред по однапред скроен план.
„МАРГИНА бр. 22“ (1995)
Скопскиот беглер-бег и прилепскиот кадија го скроија планот да ги нападнат бунтовниците на големиот христијански празник Велигден, кој таа година беше доста ран – уште на 26 март.
„Калеш Анѓа“ од Стале Попов (1958)
Тодор беше земјоделец и по малку туџарка, џамбас, та веднаш си скрои план: „Ќе и зема вечер кај мене и утре ќе му кажа кај има за продавање добитци, белим ќе капне некој черек и друг.
„Толе Паша“ од Стале Попов (1976)