сврти (гл.) - лице (имн.)

Фимка сврте лице на кај челото на колоната и, подавајќи пред себе раце, како да сака да прими пеленаче, со сета сила на својот дух и срце, прошепоти:
„Големата удолница“ од Петре Наковски (2014)
Мита со широко отворени очи, сврте лице кон Циљка, подигна рака и, давајќи знак да прекине, ја праша: - А да те опитам, Циљке...
„Големата удолница“ од Петре Наковски (2014)
Арсо се намурти. Си го сврте лицето кон ѕидот.
„Пустина“ од Ѓорѓи Абаџиев (1961)
Но кога Ајша и ја покажа облеката, Анѓа ја изгледа напорки, плукна како да виде најгнасен предмет и го сврте лицето на спротивната страна од Ајша.
„Калеш Анѓа“ од Стале Попов (1958)
-Но во случајов или ти не сфаќаш што ти зборувам, или мене ми дошле на гости привидите - реков и со рацете ѝ го свртив лицето на Пеперутката кон оградата.
„Летот на Загорка Пеперутката“ од Србо Ивановски (2005)
Сопственикот откако нѐ седна, а пред тоа со ненајбелиот пешкир ги истера мувите од масата, сврти лице кон нас и со помош на преведувачот нѐ праша со што може да нѐ почести.
„На пат со времето“ од Петре Наковски (2010)
Стевчо и Иван си ги допреа грбовите до ѕидот од плевната и си ги свртеа лицата кон првите сончеви зраци.
„Прва љубов“ од Јован Стрезовски (1992)
Мудрите луѓе од нашата фамилија тврдат дека стрико ми Ото не влијаел којзнае колку добро врз мене.
„Црни овци“ од Катица Ќулавкова (2012)
Од студ, зашто снегот ѝ навлегуваше во распарталените чевли, зашто по патот под нозе по плоштадот си заминуваше Клара Аицети, преубава во своето сиво палто, косата малку распуштена низ ветрот, без да го сврти лицето и си заминуваше. Прев.: Фросина Стојковска
„Црни овци“ од Катица Ќулавкова (2012)