разнесе (гл.) - низ (предл.)

Но кога тој нараснал а таа почнала да поболува, морал сам да заработува за двајцата.
„Потковица на смртта и надежта“ од Миле Неделкоски (1986)
На своите осамени обиколки на синорот беше стигнал да се зближи некако со говедарката Ристана Голушкоска со син ѝ Димко Силистарко, па тие, не без сочувство за нивните страдања во туѓа земја и меѓу туѓинци, брзо ја разнесоа низ Потковицата: Додека бил Видан малечко и додека мајка му можела да работи, го водела со себе по белградските господарски куќи за да ѝ помага.
„Потковица на смртта и надежта“ од Миле Неделкоски (1986)
Студен есенски ветер подувна од север и на черешата и ги откина лисјето и ги разнесе низ селските сокачиња...
„Големата удолница“ од Петре Наковски (2014)
Грмотевицата се разнесе низ ноќта, се одби од долот и се изгуби со празно, пискотливо ехо.
„Забранета одаја“ од Славко Јаневски (1988)
Оваа моја одмазда се разнесе низ целата улица а кога допре до Црните браќа тие се восхитија.
„Улица“ од Славко Јаневски (1951)
Грмотевицата се разнесе низ ноќта, се одби од долот и се изгуби во празно, пискотливо ехо.
„Кловнови и луѓе“ од Славко Јаневски (1956)
Тих и задушлив писок се разнесе низ луѓето.
„Дружината Братско стебло“ од Јован Стрезовски (1967)
- Напред, другари! Јуриш - искомандува Горјан. - Урааа! Урааа! Ураа! - се разнесе низ дабовите надолу.
„Волшебното самарче“ од Ванчо Николески (1967)
Три птици ветруши со клун ја потфатиле светлината! За да ја разнесат низ сводот...
„Еп на Александар Македонски“ од Радојка Трајанова (2006)