продолжи (гл.) - понатаму (прил.)

Кога стана од земја, утврди дека бил покриен со парченца стакло од најблискиот прозорец. Продолжи понатаму.
„1984“ од Џорџ Орвел (1998)
Но како сега да продолжам понатаму?.
„Животот од една слива“ од Зорица Ѓеорѓиевска (2014)
Но потребно е да се продолжи понатаму, со голема внимателност и претпазливост.
„МАРГИНА бр. 22“ (1995)
Дека започнува ново поглавје во нашите животи…, дека мора да најдеме сила…, спомените за еден прекрасен човек да ни помогнат да продолжиме понатаму…
„Седум години“ од Зорица Ѓеорѓиевска (2012)
Со самото тоа што ми треба нова инспирација да продолжам понатаму.
„Читај ми ги мислите“ од Ивана Иванова Канго (2012)
Ги испратија нив осумтемина некаде пред полноќ, во најстудените саати.
„На пат кон Дамаск“ од Елизабета Баковска (2006)
Така, веќе со денови седеа и чекаа, но сега, откако извидницата ќе се врати, ќе решат како ќе продолжат понатаму.
„На пат кон Дамаск“ од Елизабета Баковска (2006)
Сега, како возрасен човек, тој знаеше дека постојаната веселост беше само маска зад која се криеше нејзината долгогодишна осаменост, брана без која таа немаше да може да продолжи понатаму.
„На пат кон Дамаск“ од Елизабета Баковска (2006)
Младиот господин си замина. Дамите ја земаа надокнадата со очигледно олеснување, шоферот се врати во автомобилот и продолжи понатаму со огромна брзина, а неколку појаки мажи од улицата го враќаа коњот и чезата во нормална позиција живо разговарајќи.
„Белиот јоргован“ од Хајди Елзесер (2012)
„Да ми бидите среќни и радосни за век и веков мили мои!“ и продолжи понатаму, додека Томаица и Петар со поклон и благодарност го поздравија и продолжија бавно да чекорат кон битолското корзо и нивната заедничка иднина која ќе трае уште повеќе од половина век.
„Белиот јоргован“ од Хајди Елзесер (2012)
Ни тоа не можело да продолжи понатаму без мајка си.
„Белата долина“ од Симон Дракул (1962)
А после, кога виде дека самјакот продолжил понатаму, знаеше дека повеќе ни еднаш нема да го настигне.
„Белата долина“ од Симон Дракул (1962)
Христијанската доктрина учи дека човекот мора да го загуби својот живот за да го пронајде, и тоа не е чиста софистичка проповед од Отсекот за изгубени и пронајдени работи, бидејќи човек стварно може да пронајде нешто што претходно не изгубил: паричка во трева; порака во шише адресирана на некого; совршено добар пар женски наочари за сонце на пет метри длабочина на еден корален остров и, плутајќи блиску, палимпсестна страница од некој роман или кус расказ (повеќе читлива отколку разбирлива, барем вон контекстот, наспроти потопувањето), како некоја сирена да е прекината среде читање; сјаен нов животен партнер; наративен глас со кој може не само да се почне туку и да се продолжи понатаму и понатаму и понатаму предвидливата приказна.
„МАРГИНА бр. 34“ (1996)
- Три карамели... – повтори Зоки и, та што стана! Тој застана и не може да продолжи понатаму.
„Зоки Поки“ од Оливера Николова (1963)
Ми се чинеше дека му беше потребно долго време да стигне до нас, да не помине и да продолжи понатаму.
„МАРГИНА бр. 10“ (1997)
Продолживме понатаму и набрзо здогледав на една карпа како светка вода.
„Три жени во три слики“ од Ленче Милошевска (2000)
Кога ќе стигнев до калта веднаш одев на друго место.
„Три жени во три слики“ од Ленче Милошевска (2000)
На крајот, верувајќи дека можеби вкочанетоста кај Марија не потекнува од страв, туку од задоволство, се осмели да продолжи понатаму.
„Црни овци“ од Катица Ќулавкова (2012)
Марија, забавувајќи се, присуствуваше на таа претстава на голите пациентки, кои се бркаа со болничарките низ црквата како слепи кокошки.
„Црни овци“ од Катица Ќулавкова (2012)