има (гл.) - тапија (имн.)

- Нѐ колеа, колевме, рекол темно Наџак-Јанко. - Умирачкава како да има тапија на крстените, господи, прости ми.
„Тврдоглави“ од Славко Јаневски (1990)
- Им стоевте да ве колат и да ви ја плискаат крвта, клечевте со наведнати глави пред погубниците?
„Тврдоглави“ од Славко Јаневски (1990)
Оваа планина целата беше наша, брезничка, зашто старите наши ја имаа купено од беговите... Селото има тапии за неа. Тоа остана за нас.
„Продавница за љубопитните“ од Мето Јовановски (2003)
Затоа Толе реши да и тури крај на таа кавга и пресуди местото да го користи Дуње.
„Толе Паша“ од Стале Попов (1976)
ТЕРЕЗИН ДНЕВНАТА СВЕТЛИНА НА ИСТОРИЈАТА Уште пред да дојдеме овде знаевме дека минатото е такво какво што било а иднината треба да се оттргне од канџите на опасноста Среде полјаната на скршени крилја студеше јасникот како прекор од минатото како во некоја од песните на Бертолд Брехт Тука спомените имаат тапија на неизбришливост - запишани се во погледите на жртвите и се читаат без ламба, на дневната светлина на историјата При раноутринското триење на очите некои спомени стануваат музикални како вечниот шумол на јасиките крај Лаба Се навиткуваат во мислите музичките кутии од детството преполнети со нечујна музика Натежнува тишината понекогаш како прв поглед на вљубените понекогаш како проштална воздишка во темнината Тишината речиси секогаш е стартна линија на враќањето во себе обележена со ронки горчина и надеж, надеж.
„Ситночекорка“ од Ристо Лазаров (2012)
На Дунчани им беше пред нос, на Полчивци пет шест сати далеку од селото, но си имаа тапија за него и не сакаа да му го отстапат.
„Толе Паша“ од Стале Попов (1976)
14 Сеедно дали се свои или туѓи Некои соништа натежнуваат и претежнуваат од историја И тие соништа по правило се најкошмарни Џимкањата во нив се најбучни А клуч за нивна одгатка ретко се наоѓа Иако во последно време прилично напредна Археологијата на соновите како една нова И прилично конјунктурна научна дисциплина Особено бурни сонувачи на секаква историја Се балканските народи кои уште си вадат очи за минатото Тие понекогаш сонуваат исти сонови А неволјите настануваат кога сите сакаат Да имаат тапија на еден ист сон И нема господ кој може да го разврзе тој јазол од пет-шест исти сонови
„Сонот на коалата“ од Ристо Лазаров (2009)