започне (гл.) - голем (прид.)

Така ја започна големата битка со хартиената грамада.
„Тврдина од пепел“ од Луан Старова (2002)
Започна големото исчекување. – Попис, попис, попис! – се огласи едно утро низ Козар маало, низ градот.
„Времето на козите“ од Луан Старова (1993)
Татко во разгорот на овие мисли, по којзнае кој пат, ја започна големата ревизија на својата библиотека.
„Патот на јагулите“ од Луан Старова (2000)
Ќе започнеше голем сон во една татковина, ќе го продолжеше во друга, ќе го завршеше во трета.
„Атеистички музеј“ од Луан Старова (1997)
Започнаа големи подготовки за празникот на училиштето, што наближуваше.
„Друга мајка“ од Драгица Најческа (1979)
Беше јасно дека само оттука можеше да започне големиот пат на јагулите, кој водеше преку Езерото, низ реката што истекуваше од него, потоа преку морињата, до океанот и назад, преку потомците…
„Патот на јагулите“ од Луан Старова (2000)
Веројатно, бурата и магнетните сили, кои при тоа се создаваат, се во „врска”- со генералната наредба која струи до сите јагули како повик за да го започнат големиот пат.
„Патот на јагулите“ од Луан Старова (2000)