донесе (гл.) - заклучок (имн.)

„... Пиејќи во кафената „Солун“, размислував што да правам со директорот другарот Граматниковски, како да ја расчистам оваа моја работа со него и тогаш јас донесов заклучок да одам дома и да ја земам пушката што јас ја чував дома до критичниот момент, а со таа пушка кај нас беше задолжен нашиот чувар чичко Стојан Трендафиловски.
„Продавница за љубопитните“ од Мето Јовановски (2003)
Ако навистина е тенџере, мора да е без капак за да може секој да ѕирне внатре, да погледне, да направи анализа, да донесе заклучок, па и да проба малку од твојот живот за да може да го преслика, таму некаде, на кафе со некој кој ниту те знае, ниту те познава.
„И ѓаволот чита пРада“ од Рада Петрушева (2013)
А, всушност, ставен си под лупа, те опсервираат и донесуваат заклучок конзилијарно, без невестата, да не речам млада, дека млада више не е.
„И ѓаволот чита пРада“ од Рада Петрушева (2013)
И потем собранието бесчесно донесе заклучоци: да се чека сега, да не се чини ништо неразумно; со отец Кирил да се постапува благо и притворно, да не насети тој лоша мисла или дело кај дванаесеттемина; сите со насмевка блага да го поздравуваме и чест висока да му чиниме; да се чека, потем, време погодно, и при прва прилика угодна за ѓаволот, да се наклевети кај логотетот или царот до толку што да биде прогонет од дворецот, што подалеку од записот во источната и умножението на записот, од западната одаја.
„Папокот на светот“ од Венко Андоновски (2000)
Ако работодавачот ги отстрани утврдените неправилности во дадениот рок, тогаш инспекторот на труд донесува заклучок со кој ја запира постапката на инспекциски надзор, во спротивно поднесува барање за поведување на прекршочна постапка пред прекршочната комисија.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Доколку после спроведувањето на контролниот надзор, инспекторот на трудот утврди дека се отстранети утврдените неправилности, донесува заклучок со кој ја запира постапката на инспекциски надзор.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Поради тоа преговорите за југословенско-бугарска федерација се одвивале непречено.
„Македонија низ нишанот на САД и Британија“ од Тодор Чепреганов (2012)
Донесениот заклучок, на иницијатива на американскиот министер за надворешни работи, Стетиниус, разговорите за тоа да продолжат во Москва, на состанок на министрите за надворешни работи, го оставил сосема отворено тоа прашање.
„Македонија низ нишанот на САД и Британија“ од Тодор Чепреганов (2012)
Во анализата за текот на битката не беше донесен заклучок за тоа кој е одговорен за поразот.
„На пат со времето“ од Петре Наковски (2010)