кат
мн. катови
Вид збор: Именка, машки род
Ранг: 1072
1.
Место каде што се составуваат два ѕида во некаква просторија.
Примери:
Тој се сврте и дури сега забележа оти во најтемниот кат седеше една баба.
Во еден мрачен кат светеше сјаен автопортрет.
Слично со:
агол (м.)
2.
Место покрај огништето во селска куќа.
Примери:
Го симна котлето и седна до катот на огништето.
3.
Дел од куќата меѓу два тавана, етаж во зграда.
Примери:
Пајтонот пристигна пред една жолта зграда на два ката.
Горниот кат од дуќанот беше полн со поситна стока.
Слично со:
етаж (м.)
4.
слој, ред
Примери:
Носеше шајачен елек чии рабови се опшиени во три ката со гајтан.
5.
пар облека
Примери:
Еден кат алишта.
6.
Како степен: пат, пати.
Примери:
Сто катови полошо.
